+7 (701) 759 90 19 Лента
0 °С : استانا
2 °С : الماتى
USD 366.86 EUR 424.49
RUB 5.60 CNY 53.02
جاڭالىقتار

جالعان اقشانى انىقتاۋدىڭ 10 قۇپياسى

17 مامىر 11:37 959
:ءبولىسۋ
جالعان اقشانى انىقتاۋدىڭ 10 قۇپياسى

استانا. قازاقپارات - ناعىز اقشانىڭ سەريالىق ءنومىرى، ەرەكشە ديزاينى جانە سۋتاڭبالارى بولاتىنىن ءبارى بىلەدى.

ءبىراق ماسەلە مۇنىمەن شەكتەلمەيدى: تەحنولوگيانىڭ دامۋىمەن جالعان اقشادان قورعانۋدىڭ ءمىنسىز ادىستەرى پايدا بولىپ جاتىر.

شىن بانكنوتتى جالعان بانكنوتتان ايىرۋعا كومەكتەسەتىن قۇپيالاردى كەز- كەلگەن ۆاليۋتادا قولدانۋعا بولادى.

ەۆريون شوقجۇلدىزى نەمەسە ومرون ساقيناسى


جالعان اقشانى انىقتاۋدىڭ 10 قۇپياسى 

ومرون ساقيناسى دەگەن اتپەن دە بەلگىلى ەۆريون شوقجۇلدىزى دەگەنىمىز - كوشىرگىش تەحنيكادا جالعان اقشانى تانۋعا مۇمكىندىك بەرەتىن، ساقينادان تۇراتىن قايتالاناتىن شابلوندار. كەيبىر ءتۇرلى- ءتۇستى پرينتەرلەر مەن كوشىرگىش قۇرالدار وسىنداي ساقيناسى بار اقشالاردىڭ بەينەسىن كوشىرمەي قويادى: ولار قاعازدى قاپ-قارا ەتىپ شىعارادى نەمەسە بوس شىعارادى، ءتىپتى مۇلدەم ءوشىپ قالادى. ومرون ساقيناسىن امەريكالىق جانە كانادالىق دوللاردان، يەۆرودان، بريتان فۋنتىنان، يەننەن جانە الەمىڭ باسقا ۆاليۋتالارىنان كورۋگە بولادى.

ميكروباسپا

 
جالعان اقشانى انىقتاۋدىڭ 10 قۇپياسى

ميكروباسپا - اقشالارعا قولدان جازۋ وتە قيىن بولاتىن مايدا ماتىندەردى جازۋعا مۇمكىندىك بەرەدى. ويتكەنى ونى جازۋ ءۇشىن ەرەكشە قۇرىلعى مەن ارنايى سيا قولدانىلادى. ال ەگەر وسىنداي ءماتىنى بار اقشانى كوشىرگىش قۇرىلعىدان وتكىزسە، وندا ونىڭ كوشىرمەسى وقىلمايتىنداي بۇلىڭعىر بولىپ شىعادى. مۇنداي تەحنولوگيا دوللاردى، فۋنتتى، ەۋرونى، رەسەي رۋبلىن جانە كوپتەگەن باسقا ۆاليۋتالاردى دايىنداۋدا قولدانىلادى.

بەدەرلەۋ


جالعان اقشانى انىقتاۋدىڭ 10 قۇپياسى 

بانكنوتتتاردى، اسىرەسە جوعارى نومينالدى بانكنوتتاردى، سونداي- اق ۆيزالاردى، ءتولقۇجاتتاردى جانە باسقا دا قۇجاتتاردى قورعاۋدىڭ تاعى ءبىر كەڭ تاراعان ءادىسى - بەدەرلەۋ. بۇل ءادىستىڭ ارتىقشىلىعى، مۇنى كورۋ قابىلەتى ناشار جانداردا پايدالانا الادى. ويتكەنى اقشاداعى بەدەردى ونى كورمەي-اق ساۋساقپەن سەزىنۋگە بولادى. ادەتتە، اقشانىڭ بەلگىلى ءبىر ەلەمەنتتەرى بەدەرلەنەدى - ول 10-يەۆرولىق اقشاداعى «10» سانى نەمەسە 5 ەۆروداعا اركا سياقتى قانداي دا ءبىر بەينەلەر بولۋى مۇمكىن. ال كانادالىق دوللاردا برايل قارپىنە ۇقساس بەدەرلى نۇكتەلەر اقشانىڭ نومينالىن دا بىلدىرەدى.

ەرەكشە قاعاز

 
جالعان اقشانى انىقتاۋدىڭ 10 قۇپياسى

اقشا باسىپ شىعاراتىن قاعاز ءبىزدىڭ كۇندەلىكتى پايدالاناتىن قاعازىمىزعا ۇقسامايدى. ونىڭ قۇرامى وزگەشە بولادى. مىسالى، امەريكالىق دوللاردىڭ ¾ بولىگى ماقتادان جانە ¼ بولىگى زىعىردان تۇرادى. سوندىقتان اقشا باسىپ شىعاراتىن قاعازدى «شۇبەرەك قاعاز» (rag paper) دەپ اتايدى. سوڭعى جىلدارى ىلعالعا جانە كىرگە ءتوزىمدى جانە تەز توزىپ كەتپەيتىن پوليمەرلى قاعازدار پايدا بولدى. مۇنداي قاعازدى جاساپ شىعارۋ وتە قيىن. ءتىپتى كوزگە شىن سياقتى كورىنگەنىمەن، ونىڭ جاساندى نۇسقاسىن قولمەن ۇستاپ- اق انىقتاۋعا بولادى. جالعان اقشانى انىقتاۋدىڭ تاعى ءبىر ءادىسى - اقشانىڭ بەتىنە قۇرامىندا يودى بار ارنايى قارىنداشپەن سىزۋ. تسەلليۋلوزا قاعازعا تۇسكەن بەلگى كوك تۇسكەن اينالىپ، جالعان اقشانى بىردەن انىقتاپ بەرەدى.

ءتۇسى قۇبىلمالى بوياۋ

 
جالعان اقشانى انىقتاۋدىڭ 10 قۇپياسى

الەمدەگى كوپتەگەن ەلدەر ءوز ۆاليۋتالارىن باسىپ شىعارعان كەزدە وسىنداي بوياۋدى پايدالانادى. مۇنداي بوياۋ جارىقتى ەرەكشە تۇردە شاعىلىستىرىپ، بانكنوتتىڭ كولبەۋ بۇرىشىنا قاتىستى ءتۇسىن وزگەرتەدى. مىسالى، ءوزىمىزدىڭ 10000 تەڭگەلىك اقشادا كوگەرشىننىڭ ءتۇسى ءارتۇرلى بۇرىشپەن قاراعان كەزدە التىن تۇستەن جاسىل تۇسكە وزگەرەدى. ال 50 دوللارلىق بانكنوتتا «50» سانى قىزعىلت ءتۇستى جانە اشىق جاسىل ءتۇستى بولادى. مۇنداي ەرەكشەلىكتى كوشىرۋ مۇمكىن ەمەس جانە ونى جاساۋ دا قيىن. ويتكەنى الەمدە مۇنداي ءتۇسىن قۇبىلتاتىن بوياۋدى باسپا ءۇشىن پايدالانۋعا ساناۋلى عانا كومپانيالاردىڭ قۇقى بار.

قورعانىس تالشىقتارى

 
جالعان اقشانى انىقتاۋدىڭ 10 قۇپياسى

بانكنوتتاردا ءتۇرلى- ءتۇستى قورعانىس تالشىقتارى رەتسىز ورنالاسقان. ولار قاعازعا كەزدەيسوق جابىسىپ قالعان جىڭىشكە جانە قىسقا ءتۇرلى- ءتۇستى جىپتەرگە ۇقسايدى. تاجىريبەلى كاسسيرلەر جالعان اقشانى ساۋساقپەن سيپاپ-اق، قورعانىس تالشىعى بار قاعازدىڭ قۇرىلىمى ەرەكشە ەكەنىن ايتىپ، انىقتاي الادى. بۇل تالشىقتار، ادەتتە، بانكنوتتى انىقتايتىن ۋلتراكۇلگىن شامنىڭ استىندا جارقىرايدى.

ءتۇرلى-ءتۇستى نۇكتەلەر نەمەسە پلانشەتكالار

 
جالعان اقشانى انىقتاۋدىڭ 10 قۇپياسى

ۋلتراكۇلگىن جارىقتىڭ استىندا جارقىرايتىن تاعى ءبىر قورعانىس ەلەمەنتى - بانكنوتتىڭ بەتىنە رەتسىز ورنالاستىرىلعان «پلانشەتكالار» (planchettes) دەپ اتالاتىن ءتۇرلى-ءتۇستى نۇكتەلەر. ولاردى قولدان جاساۋ وتە قيىن. ويتكەنى ولار سۋرەت ەمەس، تالشىق سياقتى داقتىڭ ءبىر ءتۇرى. پلانشەتكالار ءبىرقاتار ۆاليۋتالاردا، مىسالى كانادالىق دوللاردا پايدالانىلادى.

قۇپيا ءمورتاباندار


جالعان اقشانى انىقتاۋدىڭ 10 قۇپياسى 

بۇل كونەرگەن تاجىريبە. الايدا كەيبىر ەلدەردە، مىسالى قىتايدا ونى ءالى دە قولدانادى. اۋەلدە مۇنداي ءادىس تيىنداردى قولدان جاساۋدان قورعاۋ ءۇشىن ويلاپ تابىلعان بولاتىن، كەيىن ونى قاعاز اقشالارعا دا بەيىمدەپ جاسادى. ءبىراق ءمورتاباندار بارلىق اقشادا بىردەي كەزدەسپەيدى. ويتكەنى ونى اقشانى باسىپ شىعارىپ جاتقان كەزدە قويمايدى. ونى اقشانىڭ شىنايىلىعىن راستاۋ ءۇشىن بانكتە نەمەسە ايىرباس ورىندارىندا قويادى. ءار ۇيىمنىڭ ءوزىنىڭ ەرەكشە «قۇپيا» بەلگىسى بار.

ءمولدىر بولىكتەر

 
جالعان اقشانى انىقتاۋدىڭ 10 قۇپياسى

پوليمەرلى قاعازدىڭ پايدا بولۋىمەن بانكنوتتاردى ءمولدىر نەمەسە جارتىلاي ءمولدىر بولىكتەرمەن جاساۋ مۇمكىندىگى تۋدى. ولاردى تەرەزە دەپ تە اتايدى. اقشا جاساۋشىلار «تەرەزە» سۋبەلگىلەرىنىڭ زاماناۋي بالاماسى بولىپ تابىلادى جانە ونى قولدان جاساۋ مۇلدەم مۇمكىن ەمەس دەيدى. ءمولدىر بولىكتەردى اۆستراليانىڭ، كانادانىڭ جانە ۇلىبريتانيانىڭ اقشالارىنان كورۋگە بولادى.

گولوگراممالار

 
جالعان اقشانى انىقتاۋدىڭ 10 قۇپياسى

گولوگرامما (كينەگرامما) - فولگادا نەمەسە باسقا ماتەريالدا لازەر ساۋلەلەرىمەن تۇسىرىلگەن ەرەكشە ءۇش ولشەمدى بەينە. گولوگرامما كورۋ بۇرىشىن اۋىستىرعان كەزدە رەڭىن وزگەرتەدى. اقشانى قورعاۋدىڭ بۇل ءادىسىن العاش رەت اۆستريادا 1988-جىلى قولدانا باستادى. سودان بەرى بۇكىل الەمگە كەڭىنەن تاراپ كەتتى. ادەتتە، گولوگرافيالىق قورعانىس بەلگىلەرىن ءىرى اقشالارعا تۇسىرەدى. ءبىراق ونى مايدا نومينالداردا جولاق تۇرىندە كورۋگە بولادى.


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات