عالىمدار ادام ءومىرىن 10 جىلعا ۇزارتۋدىڭ جولىن تاپتى

 استانا. قازاقپارات - امەريكا قۇراما شتاتىنداعى گارۆارد ۋنيۆەرسيتەتىنىڭ عالىمدارى پايدالى تاعام، تۇراقتى جاتتىعۋ، سونداي- اق سالاۋاتتى سالماقتى ساقتاۋ، تەمەكى شەگۋدەن باس تارتۋ جانە الكوگولدى ونىمدەردى قالىپتى تۇتىنۋ ءومىر ءسۇرۋ ۇزاقتىعىن ون جىلدان اسا ۋاقىتقا ۇزارتاتىنىن دالەلدەدى.

بۇل تۋرالى HealthXpress باسپا ءسوز حابارلاماسىندا ايتىلدى، دەپ جازادى Stan.kz اقپاراتتىق اگەنتتىگى.

ساراپشىلار بىرنەشە مىڭجىلدىق زەرتتەۋلەردىڭ، ونىڭ ىشىندە 44 مىڭنان 78 مىڭعا دەيىن ادام قاتىسقان دەرەكتەردى تالدادى.

سالاۋاتتى ءومىر سالتى فاكتورلارىنىڭ ءومىر ءسۇرۋ ۇزاقتىعىنا، سونىڭ ىشىندە جارتى ساعاتتىق فيزيكالىق بەلسەندىلىككە جانە شارشى مەترى 18,5-24,9 كەلىگە تەڭ بولاتىن دەنە سالماعى يندەكسىنىڭ اسەرىن باعالادى.

ەڭ ناشار جاعدايدا 50 جاستاعى ادامدار ءۇشىن كۇتىلەتىن ءومىر ۇزاقتىعى - ايەلدەردە 29 جىل بولسا، ەرلەردە 25,5 جىل بولاتىنى بەلگىلى بولدى.

الايدا، ەگەر ادام سالاۋاتتى ءومىر سالتىن ۇستاناتىن بولسا، وندا ءومىر ءسۇرۋ ۇزاقتىعى ورتا ەسەپپەن 87,6-93,1 جاسقا دەيىن جەتەدى.

بۇل جەردە دۇرىس تاماقتانۋ، فيزيكالىق بەلسەندىلىك، دەنە سالماعى، الكوگولدى ونىمدەردى قالىپتى تۇتىنۋ جانە تەمەكى شەگۋدى توقتاتۋ سياقتى قاراستىرىلاتىن بارلىق بەس فاكتور ماڭىزدى ءرول اتقارادى.

زەرتتەۋگە قاتىسقان وسى توپتاعى ەرىكتىلەر سالاۋاتتى ءومىر سالتىن ۇستانباعاندارعا قاراعاندا ۇزاق ءومىر سۇرگەن.