ميللياردەرلەردى تابىسقا جەتكىزگەن 10 قاعيدا

نۇرسۇلتان. قازاقپارات - كەزىندە وپرا ۋينفري «مەنىڭ ەشقاشان اقشا تابۋدى ماقسات تۇتپادىم، سوندىقتان قارجىلىق تابىسقا قول جەتكىزدىم» دەگەن. شىنىندا تاريحقا ۇڭىلسەڭىز، تابىستى ادامداردىڭ اقشا تابۋدى كوزدەمەگەنىن اڭعاراسىز.

مىسالى: مارك سۋكەربەرگ الەمدى وزگەرتكىسى كەلسە، يلون ماسك - مارستا مەگاپوليس سالعىسى كەلەدى.

بۇل تۋرالى bigpicture.ru حابارلايدى.

قارجى نارىعىنا ءوز كۇشىمەن قول جەتكىزگەندەردەن ۇيرەنەرىمىز كوپ. سونداي- اق، ءومىرىڭىزدى جاقسارتۋ ءۇشىن جەتىستىككە جەتكەن ادامداردىڭ كەيبىر قاعيدالارىن بىلە ءجۇرىڭىز.

الدىڭىزعا ماقسات قويىپ، وعان جەتۋ جولىن ويلاستىرىڭىز.

جەتىستىككە جەتۋ ءۇشىن الدىمەن ماقسات بولۋ كەرەك. ماقساتقا جەتۋ تۋرالى ويلار مەن ارماندار ادامنىڭ رۋحىن تۇسىرمەي، كوڭىلدى جۇرۋگە كومەكتەسەدى.

ماسەلەن، ستيۆ دجوبس ەشقانداي تەلەفون شىعارعىسى كەلمەگەن. ول پايدالانۋعا جەڭىل، كومپيۋتەردىڭ فۋنكتسيالارى بار تەلەفون شىعارۋدى كوزدەدى.

ماقسات ناقتى بولۋ كەرەك. مىسالى، ءسىز تورت ءپىسىرۋدى ۇناتاسىز جانە بۇل ىسپەن ءجيى اينالىسقىڭىز كەلەدى. وسى ارقىلى اقشا دا تابا الاسىز. ماقساتىڭىز «اقشا ءۇشىن تورت ءپىسىرۋ» بولسا، بۇل دۇرىس ەمەس. ال، «مەن پىسىرگەن تورتتارىمدى ساتاتىن كونديتەرلىك دۇكەن اشقىم كەلەدى» دەگەنىڭىز الدەقايدا ابزالىراق.

نەمەسە الەمدىك ساياحات تۋرالى ارمانداساڭىز «ساياحاتتاۋ ءۇشىن 20,000 دوللار تابىس تابامىن» دەگەن ماقسات قويعانىڭىز دۇرىس.

جوسپار قۇرىپ، سول بويىنشا ارەكەت ەتىڭىز

ءسىزدىڭ دۇنيەجۇزىلىك ساياحاتىڭىز قانداي بولادى؟ نەمەن باراسىز؟ قاي كومپانيا ارقىلى؟ قايدا باراسىز؟ قاي مەزگىلدە باراسىز؟ ءبارى ناقتى جوسپارلانۋى كەرەك.

يلون ماسك مارسقا كولونيزاتسيا جاساعىسى كەلىپ، جوسپار جاسادى. ول مارسقا ۇشۋدىڭ قىمباتقا تۇسەتىندىگىن كورگەننەن كەيىن، كەڭىستىككە ۇشاتىن ارزان كولىك ويلاستىرىپ جاتىر.

مىسالى، ءسىزدىڭ ماقساتىڭىز لاينەردە ساپار شەگۋ ءۇشىن 20,000 دوللار تابۋ ەمەس، سونىمەن قاتار كولىك ماسەلەسىن شەشەتىن سەرىك تابۋ كەرەك.

وزىڭىزگە شەكتەۋ قويماڭىز

ەموتسياڭىزدى باسقارا ءبىرۋىڭىز قاجەت. سەبەبى، جەتىستىككە جەتۋ ءۇشىن قاجەت بولعان جەردە ەموتسيانى كورسەتە ءبىلۋ كەرەك. سونىمەن قاتار، ءوزىڭىزدىڭ شىنايى سەزىمدەرىڭىز بەن كوڭىل- كۇيىڭىزدى كورسەتۋدەن ۇيالماڭىز.

ىستەگەن ءىسىڭدى جاقسى كور

ماقساتىڭىزعا جەتۋ ءۇشىن تىرىسپاساڭىز، كوپ ۋاقىت جوعالتاسىز.

«1962 -جىلى دجون كەننەدي NASA عارىش ورتالىعىندا بولدى. كەڭسەلەردىڭ بىرىندە ءوز جۇمىسىنا قاتتى بەرىلىپ، ەدەن جۋۋشىنىڭ كەلگەنىن دە بايقاماي قالعان. «سالەمەتسىز بە، مەن دجون كەننەديمىن. بۇل جەردە نە ىستەپ جاتىرسىڭ؟ « - دەپ سۇراق قويعان ميلليونەرگە ەدەن جۋۋشى: «مەن ادامدار ايعا ۇشىپ كەتۋ ءۇشىن جۇمىس ىستەيمىن، پرەزيدەنت مىرزا» ، - دەپ جاۋاپ بەرگەن ەكەن.

سوندىقتان، جۇمىسىڭىزدى جاقسى كورمەسەڭىز، وعان دەگەن كوزقاراستى وزگەرتۋ قيىن. جاقسى كورمەيتىن ءىستى تاستاۋعا بولادى. ءبىراق، الدىمەن ءوزىڭىز شىن نيەتىڭىزبەن قالاعان ءىستى تاۋىپ الۋىڭىز كەرەك.

ال قازىرگى جۇمىسىڭىزدى ماقساتقا جەتۋ قۇرالى رەتىندە قاراستىرساڭىز دا بولادى.

اقشانى اقىلمەن جۇمساي ءبىلىڭىز

«اقشانى تاپقاننان گورى، اقىلمەن جۇمساۋ قيىنىراق بولادى» ، - دەيدى ستيۆ دجوبس. سوندىقتان ماقساتقا جەتۋ ءۇشىن، كەرەك ەمەس زاتتارعا اقشا جۇمساي بەرمەۋ كەرەك.

ۋاقىتىڭىزدى ۇنەمدەڭىز

اقشانى اقىلمەن جۇمساعانىڭىزداي، ۋاقىتتى دا اقىلمەن باسقارا ءبىلىڭىز. كوپشىلىگى كيىم تاڭداۋمەن نەمەسە بىرنەشە جۇمىستى قولعا الىپ، كەيىننەن جارتى جولدا تاستاپ ۋاقىت جوعالتىپ جاتادى. ونىڭ ورنىنا، ۋاقىتتى سپورت سياقتى پايدالى نارسەلەرگە جۇمساۋ كەرەك.

باسىمدىلىققا يە بولىڭىز

اتقارۋعا ءتيىستى بىرنەشە جۇمىس شىعىپ تۇرسا، الدىمەن ءبىر ءىستى ءبىتىرىپ، ناتيجە شىعارۋعا تىرىسىڭىز. ۋاقىتىڭىزدى وتباسىڭىزبەن وتكىزەمىن دەپ شەشىم قابىلداساڭىز، جۇمىسقا نەمەسە دوستارىڭىزعا كوڭىل بولمەڭىز. بارىنە ۇلگەرەمىن دەپ، بىرنەشە ءىستىڭ باسىن الىپ ءجۇرۋ ادامنىڭ كۇش- جىگەرىن تومەندەتەدى.

ءومىرىڭىزدى قيىنداتپاڭىز

ريچارد برانسوننىڭ ايتۋىنشا، كۇردەلى نارسەنى بارلىعى جاساي الادى، ال قاراپايىم نارسە جاساۋ ۇنەمى قيىن. كەيبىرەۋلەر ءبارىنىڭ كوڭىلىن تابۋعا مىندەتتىمىن دەپ ءوز ءومىرىن قيىنداتادى. نەمەسە، وزدەرىن ۇناتپايتىن ادامدارمەن ارالاسۋعا مىندەتتەيدى. ادام ءومىر ءسۇرۋ ءۇشىن اۋا جۇتىپ، تاماقتانۋعا عانا مىنتەتتى. قالعان جاعدايدا مىندەتتىمىن دەپ ءومىردى قيىنداتۋ اقىماقتىق.

ستەرەوتيپتەرگە جانە باسقا ادامداردىڭ باسىنۋىنا جول بەرمەڭىز

باسقالاردىڭ كولەڭكەسىندە جۇرەمىن دەپ ۋاقىتىڭىزدى بوس وتكىزىپ الماڭىز. كوپتەگەن ميللياردەرلەر ەشكىمگە ۇقساماۋعا تىرىسقاننىڭ ارقاسىندا جەتىستىككە قول جەتكىزگەن. باسقالاردىڭ پىكىرىنە باعىنىشتى بولۋ جەتىستىككە اپارار جولدى جاۋىپ تاستادى.

باسقالار ءۇشىن دە ءومىر ءسۇرىڭىز

وزگەلەرگە كومەكتەسىپ، قول ۇشىن سوزىپ تۇراتىن ادامدار ءوزىنىڭ قوعامعا كەرەك ەكەنىن سەزىنەدى. بىرەۋگە ءوز ۋاقىتىڭدى، كوڭىلىڭدى بولە وتىرىپ ءوزىڭدى شىڭداي تۇسەسىڭ.

ارينە، جوعارىدا سيپاتتالعان قاعيدالار سىزدەن ءبىر تۇندە ميللياردەر جاساي المايدى. ءبىراق جەتىستىك اقشامەن ولشەنىپ قالمايدى. باقىت - ەڭ الدىمەن سۇيىكتى ىسىڭمەن اينالىسۋ جانە ءوزىڭ دۇرىس دەپ سانايتىن نارسەنى ىستەي بىلۋدە ەكەنىن ۇمىتپاڭىز.

Stan.kz