ءماجىلىس ءتوراعاسى: جولداۋداعى 10 نەگىزگى مىندەتتى جۇزەگە اسىرۋعا ءبىر كىسىدەي اتسالىسۋىمىز قاجەت
ءماجىلىس سپيكەرى ءوز پىكىرىندە ءتورتىنشى ونەركاسىپتىك رەۆوليۋتسيا جاعدايىندا قازاقستاننىڭ جۇيەلى تۇردە جاڭعىرۋى بويىنشا ناقتى شارالار باعدارلاماسىنان تۇراتىن ەلباسى جولداۋىنىڭ ماڭىزى ەرەكشە ەكەنىن اتاپ وتەدى.
پرەزيدەنتتىڭ جولداۋى ارقىلى ۇسىنىلعان ەل دامۋىنىڭ نەگىزگى باعىتى - سيفرلاندىرۋ، قازاقستانعا جاڭا الەمنىڭ كوشباسشىلارىنىڭ قاتارىنان تابىلۋى ءۇشىن ەل ءومىرىنىڭ بارلىق تارماعىنا سيفرلىق تەحنولوگيالاردى ەنگىزۋ قاجەت.
پرەزيدەنتتىڭ جولداۋى بارلىق الەۋمەتتىك جانە ەكونوميكالىق سالانىڭ الدىندا 10 نەگىزگى مىندەتتى بەلگىلەپ بەردى. بۇل ەلىمىزدىڭ الدىنا جاڭا مۇمكىندىكتەر اشىپ وتىر.
ەڭ الدىمەن، قازاقستاندىق يندۋستريانىڭ جاڭعىرتىلۋى مەن سيفرلاندىرۋعا، اگروونەركاسىپ كەشەنى مەن كولىك- لوگيستيكا ينفراقۇرىلىمىنا ەرەكشە نازار اۋدارىلعان.
پرەزيدەنت جولداۋىندا ءداستۇرلى تۇردە الەۋمەتتىك دامۋ سالاسىنا باسا ماڭىز بەرىلگەن.
قۇرىلىس جانە كوممۋنالدىق سەكتورعا زاماناۋي تەحنولوگيالاردى بەلسەندى تۇردە ەنگىزۋ، قايتالانباس الدىڭعى قاتارلى ءبىلىم بەرۋ جۇيەسىن قۇرۋ، مەديتسينالىق كومەكتىڭ تيىمدىلىگى مەن قولجەتىمدىلىگىن ارتتىرۋ، ساپالى تۇردە جۇمىسپەن قامتۋ - مۇنىڭ بارلىعى، ءسوزسىز، ءاربىر ازاماتتىڭ ءومىر ساپاسىن ارتتىرادى.
وسىلايشا، پرەزيدەنت ن. ءا. نازاربايەۆتىڭ قازىرگى جولداۋى الداعى ۋاقىتتا دا ەلدىڭ جاڭعىرۋىنىڭ ماڭىزدى ىنتالاندىرۋشىسى بولماق.
جولداۋدىڭ بارلىق سالانى قامتىعان ەرەكشەلىگى ونىڭ جۇزەگە اسىرىلۋى بويىنشا بارشا ازاماتتاردىڭ بەلسەندى تۇردە اتسالىسۋىن تالاپ ەتەدى.
پرەزيدەنتتىڭ جولداۋى - بۇل ءاربىر قازاقستاندىقتى بەلسەندى تۇردە جۇمىس اتقارۋعا شاقىرادى.
بۇل تالاپتار، ەڭ الدىمەن، بىزگە - قازاقستاندىق پارلامەنت دەپۋتاتتارىنا قاتىستى ەكەنى ءسوزسىز.
«وسى رەتتە ءبىز جولداۋدىڭ تولىعىمەن جۇزەگە اسىرىلۋىنا ءتيىمدى تۇردە زاڭنامالىق قولداۋ بىلدىرۋگە دايىنبىز»، - دەپ ءتۇيدى نۇرلان نىعماتۋلين.