+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

جاستىقتى ساقتايتىن 10 سۋسىن

16 قىركۇيەك 17:02
:ءبولىسۋ
جاستىقتى ساقتايتىن 10 سۋسىن

نۇر- سۇلتان. قازاقپارات - جاستىقتى ماڭگىلىككە، تىم قۇرىسا ۇزاق ۋاقىتقا ساقتاي الۋ ادامزات بالاسىن ەجەلدەن- اق ويلاندىرىپ كەلە جاتقان ساۋال.

كونە ەرتەگىلەردە جاستىقتى ساقتاپ تۇرۋعا كۇشى جەتەتىن عاجايىپ سۋسىندار تۋرالى ءجيى ايتىلادى.

بۇل تۋرالى bigpicture.ru حابارلايدى.

سول ەرتەگىدەن شىنايى ومىرگە ورالىپ، شىن مانىندە قانداي سۋسىن جاستىقتى ساقتاۋعا كومەكتەسەدى دەگەنگە وي جۇگىرتىپ كورەيىك. بۇل توپتامادا ءبىز تەك دامىمەن عانا ەمەس، عىلىمي زەرتتەۋلەر بويىنشا قارتايۋمەن كۇرەستە ۇلكەن ەرەكشەلىككە يە سۋسىنداردى ۇسىنامىز.

سۋ. تەرى اركەز تازا ءارى بالعىن بولۋ ءۇشىن وعان مىندەتتى تۇردە كوپ مولشەردە سۋ كەرەك. ول ءۇشىن كۇن سايىن 8 ستاكان سۋدان كەم ىشپەۋ ماڭىزدى. تولىققاندى دەنەدەگى سۇيىقتىق تەرىنى جۇمساق، جايلى ەتە تۇسەدى. سۋ سونداي- اق، ءبىز ءۇشىن ورگانيزمدەگى ەلەكتروليتتى بالانستى ساقتاپ، مي جۇمىسىن جاقسارتۋ ءۇشىن دە وتە قاجەت.

drink4health01

كوفە - بۇل سۋسىندى پلانەتامىزدا كۇن سايىن ميلليونداعان ادام تۇتىنادى. عىلىمي دالەلدەمە بويىنشا كوفەنىڭ ءبىر كەسەسىن ءىشۋ قاتەرلى اۋرۋلاردى 10 پايىزعا دەيىن ازايتادى. عالىمداردىڭ ويىنشا، بۇل كوفەيننىڭ انتيكانسەروگەندى كۇشىمەن بايلانىستى. الايدا كوفەنى شەكتەن تىس كوپ ءىشۋ دە زيان.

drink4health02

از مولشەردەگى الكوگول ادام اعزاسىنا پايدالى. ارينە، الكوگول جالپى العاندا ادام ءۇشىن قاي تۇرعىدان دا پايدالى ەمەس، دەگەنمەن عالىمدار ونى از مولشەردە تۇتىنۋ مي جۇمىسىنا پايدالى ءارى التسگەيمەر اۋرۋىمەن كۇرەسۋدە ىڭعايلى دەپ وتىر. ولار ايەلدەر ءۇشىن ۆينونىڭ ءبىر بوكالى، ال ەر ادامدار ءۇشىن ەكى بوكال ۆينو دەنساۋلىققا پايدا اكەلەدى ەكەن.

drink4health03

كوك شاي قارتايۋدى تەجەيدى. اسىرەسە، بۇل سۋسىندى جۇرەك قان- تامىر اۋرۋىمەن كۇرەسۋشىلەر كوپ ىشەدى. ال جاقىندا عانا جاسالعان زەرتتەۋ بويىنشا كوك شايدىڭ كلەتكالاردىڭ قارتايۋىن تەجەيتىنى انىقتالعان. كۇنىنە 4 كەسە كوك شاي ءىشۋ سترەستى ازايتىپ، ورگانيزمدەگى قارتايۋ قۇبىلىسىن باياۋلاتادى.

drink4health04

كاكاو. جۇرەك جۇمىسىنا پايدالى. كاكاو گيپەرتونيا، قانت ديابەتى، بۇيرەك اۋرۋىنىڭ اسقىنۋىنا جول بەرمەۋ، ەستە ساقتاۋ قابىلەتىن دە جاڭعىرتا الادى.

drink4health05

سويا ءسۇتى تەرىنى سەرپىندى ەتەدى. بۇل سۋسىن قۇرامىندا يزوفلاۆونداردىڭ بولۋى زور پايدا. بۇل تابيعي كومپونەنت تەرى قۇرامىنىڭ جاڭارىپ، جاسارۋىنا اسەرىن تيگىزەدى.

drink4health06

قىزىل گرەيپفرۋتتان جاسالعان شىرىن. ونىڭ قۇرامىنداعى ليكوپين تەرىنىڭ قارتايۋىن تەجەپ، ونى كۇننەن قورعاپ، بەلوكتاردىڭ لايىقتى سينتەزدەلۋىنە جول اشادى.

drink4health07

ءسابىز شىرىنى. بۇل شىرىن ەستە ساقتاۋ قابىلەتى ءۇشىن تاپتىرماس سۋسىن.

drink4health08

اپەلسين شىرىنى ءسىزدىڭ كورۋ قابىلەتىڭىزدى ەڭ جوعارعى قارتتىققا دەيىن ءدال قازىرگىدەي ساقتاي الۋى مۇمكىن. شىرىن قۇرامىندا فيزيولوگيالىق كورۋ قابىلەتى بويىنشا ۇلكەن رول اتقاراتىن ليۋتەيندەر بار.

drink4health09

قىزىلشا شىرىنى. ارنايى زەرتتەۋ بارىسىندا قىزىلشا شىرىنىنىڭ مي جۇمىسىن بەلسەندى ەتۋدە، اۋرۋلاردىڭ الدىن الىپ، بولدىرماۋدا پايداسى وراسان ەكەنى انىقتالعان.

Stan.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات