+7 (701) 759 90 19
14 °С : نۇر-سۇلتان
24 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

كەرەك كەڭەس: ميدى سەرگىتۋدىڭ 10 ءتاسىلى

13 تامىز 17:11
:ءبولىسۋ
كەرەك كەڭەس: ميدى سەرگىتۋدىڭ 10 ءتاسىلى

نۇر-سۇلتان. قازاقپارات - تاڭەرتەڭ ۇيقىدان تۇرۋ ءبىر ۋايىم بولسا، تۇرعاننان سوڭ ءتيىمدى جۇمىس ىستەۋ - ەكىنشى ۋايىم.

ال ءونىمدى جۇمىس بولۋى ءۇشىن ميىڭىز جاقسى جۇمىس ىستەۋى ءتيىس. نازارلارىڭىزعا ميدى سەرگىتۋدىڭ 10 جولىن ۇسىنامىز.

1. فيزيكالىق جاتتىعۋ

فيزيكالىق جاتتىعۋلار بۇلشىق ەتتەرىڭىزدى شىنىقتىرىپ قانا قويماي، ميىڭىزدىڭ مۇمكىنشىلىكتەرىن دە ارتتىرادى، ويتكەنى بەلسەندى قوزعالىس كەزىندە قان اينالىمى جاقسارىپ، بۇلشىق ەتتەرىڭىز بەن ميىڭىز جاقسىراق جۇمىس ىستەيتىن بولادى.

2. كوفە ەمەس، سۋ ءىشىڭىز

تاڭەرتەڭ كوفە ءىشۋ سەرگىتۋدىڭ ورنىنا، كەرىسىنشە مي جۇمىسىن تەجەيتىنى تۋرالى كوپتەگەن زەرتتەۋلەر جۇرگىزىلگەن. ال ەگەر ونى قاراپايىم تازا سۋمەن الماستىرساڭىز، سەرگەكتىك سەزىمى الدەقايدا ۇزاعىراق بولماق. اش كەزدە ىشكەن تازا سۋ اس قورىتۋ جۇيەسىن بەلسەندىرىپ، كوفەگە قاراعاندا، شىرىشتى قابىقتى تىتىركەندىرمەيدى.

3. حوش ءيىستى ادام نازارىن كۇشەيتەدى

ادەتتە ادامدار حوش ءيىستى ءاردايىم اڭعارا بەرمەيدى. الايدا ءدال وسى حوش يىستەر ادام نازارىن كۇشەيتىپ، سەرگەكتىك بەرەدى. اروماتەراپيا ماماندارى بازيليك، گۇلشەتەن، جاۋجاپىراق، جەبىرشوپ، راۋشان جانە لاۆاندا حوش يىستەرى زەيىن قويۋعا جاقسى كومەكتەسەدى.

4. وپتيميزم

جايباراقات ورتادا كەز كەلگەن جۇمىس، سونىڭ ىشىندە اقىل- وي جۇمىسى وڭاي اتقارىلادى. دەگەنمەن، ونداي مۇمكىندىك اركىمدە بولا بەرمەيدى. سوندا دا ءوز نازارىڭىزدى ءومىرىڭىزدىڭ، جۇمىسىڭىزدىڭ تەك جاقسى جاقتارىنا قويساڭىز، جۇمىستىڭ ونىمدىلىگى الدەقايدا وسەدى.

5. باس قاتىرعىشتار

ميدى جاتتىقتىرۋدىڭ ءتيىمدى جولدارىنىڭ ءبىرى - ءارالۋان باسقاتىرعىشتاردى، ءسوزجۇمباقتاردى شەشۋ ميدىڭ قابىلەتتەرىن كۇشەيتەدى.

6. تەلەارنالاردى جانە ونداعى باعدارلامالاردى سۇرىپتاپ بارىپ كورۋ

«تەلەارنالار ويلاۋ دەڭگەيىن تومەندەتەدى» دەگەن پىكىر قالىپتاسقانى جاسىرىن ەمەس. دەگەنمەن، كەز كەلگەن نارسەنى كورە بەرمەي، باعدارلامالار اقىل- ويمەن سۇرىپتاپ بارىپ كورسەڭىز، كوپتەگەن پايدالى دۇنيەلەردى تاباسىز.

7. ينتەرنەتتەن اقپاراتتى ىزدەڭىز

ينتەرنەتتە اقپارات ىزدەۋ ادام ميىن كىتاپ وقۋدان دا قاتتى شارشاتاتىنىن راستايتىن كوپتەگەن زەرتتەۋلەر بار. ءبىراق بۇل ينتەرنەتتىڭ قاجەتسىز ەكەنىن ەش بىلدىرمەيدى. باستىسى اقپارات ىزدەۋ كەزىندە دۇرىس سۇراق قويا ءبىلۋ.

8. دۇرىس تاماقتانۋ

سانالى وي مەن ەستە ساقتاۋ قابىلەتىن جاقسارتۋدىڭ بىردەن- ءبىر جولى - دۇرىس تاماقتانۋ، ياعني راتسيونىمىزدا ازىق- تۇلىكتەر مەن جەمىس- جيدەكتەر كوپ بولۋى ءتيىس. ارينە، اندا- ساندا ءتاتتى جەۋگە دە بولادى. الايدا، ادام ميى گليۋكوزاعا ءزارۋ ەكەن دەپ، تاتتىگە «وتىرىپ» قالۋعا تاعى بولمايدى.

9. شوپتەر

ءداستۇرلى جانە حالىقتىق مەديتسينادا شوپتەر ادامنىڭ كوگنيتيۆتى قابىلەتتەرىن ەداۋىر جاقسارتاتىنى مويىندالادى.

10. تانىپ ءبىلۋدى توقتاتپاڭىز

قابىلەتتىلىگى ەڭ جوعارى ميدىڭ ءوزى جۇمىسسىز تۇرسا، مەڭىرەۋلەنە باستالادى. سول ءۇشىن وعان ءاردايىم جاڭا تاپسىرمالار ويلاپ تاۋىپ وتىرۋ قاجەت. مىسالى، شەت ءتىلىن وقۋ، سۋرەت سالۋدى مەڭگەرۋ، كۋليناريا ساباقتارىن الۋ جانە ت. ب.

El.kz سايتىنان الىندى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات