+7 (701) 759 90 19
27 °С : نۇر-سۇلتان
33 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

ءۇيدىڭ كوركىن بۇزاتىن تۇرمىستاعى 10 قاتەلىك - فوتو

15 ماۋسىم 15:41
:ءبولىسۋ
ءۇيدىڭ كوركىن بۇزاتىن تۇرمىستاعى 10 قاتەلىك - فوتو

نۇر- سۇلتان. قازاقپارات - پاتەرىڭدى قانشا سىلاپ- سيپاساڭ دا، جۋرنال بەتتەرىندەگى ينتەرەرلەرگە ۇقساي بەرمەيدى.

بارلىق ەرەجەلەردى ۇستانعانداي بولاسىڭ، تۇستەردى دە ۇيلەستىرەسىڭ، بەلگىلى ءبىر ستيلگە كەلتىرەسىڭ، ءبىراق ءبارىبىر بىردەڭە دۇرىس ەمەس.

Bilim-all.kz تاڭداۋلى دەگەن ينتەرەردىڭ ءوزىن قۇرتىپ تۇراتىن تۇرعىن ءۇي بولمەلەرىن رەتتەۋدەگى كەڭ تارالعان قاتەلىكتەردى جيناقتادى.

توڭازىتقىشقا جابىستىرىلاتىن ماگنيتتەر

توڭازىتقىشقا جابىستىرىلاتىن ماگنيتتەر، سىرت كوزگە اڭكى- تاڭكى كورىنەدى. كوللەكتسيونەرلەر ءۇشىن ءبىر امال بار: ماگنيت تاقتا نەمەسە ماگنيت بوياۋدىڭ كومەگىمەن ەستەلىك زاتتاردى ساقتايتىن ءبىر ورىن تاعايىنداۋ.

كادەسىيلار

كادەسىيلار دا ءۇيدىڭ جيناقىلىعىن قاشىرادى. ماگنيتتەرمەن سالىستىرعاندا ولاردى جابىستىراتىن جەر دە جوق. توپتاماڭىزدى قايتا قۇرىلىمداۋ جاعدايدى قۇتقارادى: سورەلەردە ءار ەلدەن كەلگەن شاۋگىمدەر نەمەسە قوبديشالار عانا تۇرسىن. نەمەسە سۋرەتتەگىدەي ارحيتەكتۋرالىق قۇرىلىستار.

ىدىس جۋۋعا ارنالعان قۇرالدار

كورىنەتىن جەردە تۇراتىن ىدىس جۋۋ قۇرالدارى بولماسا، اس ءۇيىڭىز ارمانىڭىزداعى اس ءۇي بولمەسىنە اينالار ەدى - دەيدى ديزاينەرلەر. ءبىراق امال قانشا، ءۇي شارۋاسىنداعى ءار ايەل اس بولمەدە ىدىس جۋۋ گەلدەرى مەن ۇنتاقتارىن پايدالانادى. بۇدان شىعۋدىڭ امالى اس ءۇي ينتەرەرىنىڭ ءتۇسى مەن فاكتۋراسىنا قاراي تاڭدالعان كوپرەتتىك دوزاتورلار بولماق. ىدىس جۋاتىن گەلدەردى وسى دوزاتورلارعا قۇيىپ قويىڭىز.

كيىم ۇتىكتەيتىن تاقتايعا كيىمدەردى جيناۋ

كەيبىر ادامدار كيىم ۇتىكتەيتىن تاقتايدىڭ ۇستىنە كيىم جينايدى. ديزاينەرلەر كيىمدەردى ەرىنبەي جيناپ، ءوز ورنىنا قويىپ ءجۇرۋدى ۇسىنادى. ال بۇل قۇرىلعىنى جيناستىرۋ ءۇشىن بۇگىنگە دەيىن نەشە ءتۇرلى ادىستەر قاراستىرىلعان.

اۋىز ءۇي بولمەسىندەگى كوپتەگەن اياق كيىم

وكىنىشكە قاراي، اۋا رايى جاعدايىنا بايلانىستى ماۋسىم سايىن اياق كيىم اۋىستىرۋعا تۋرا كەلەدى. ءبىراق ەكسپەرتتەر بارلىق ەتىكتەر، بوتيلوندار، كروسسوۆكالار جانە ت. ب. اياق كيىمدەردى جيناقى ەتىپ ساقتاۋعا كەڭەس بەرەدى. ول ءۇشىن پۋفيك استىنا جاسىرىلعان سورە، نەمەسە كيىم ىلگىشتى دە پايدالانساڭىز بولادى. ناتيجەسىندە ورىن بوسايدى، ال ءۇي ءىشىڭىز قۇلپىرىپ شىعا كەلەدى.

جۋىناتىن بولمەدەگى ءتۇرلى- ءتۇستى ورامالدار

جۋىناتىن بولمەمىز جوندەۋ جۇمىستارىنان كەيىن قالاي كورىنەتىنىن ەلەستەتكەندە ءتۇرلى- ءتۇستى ءداۋ ورامالداردى ەسەپكە المايمىز. ينتەرەرگە ساي ەمەس تاڭدالعان ورامالدار تالعاممەن قۇراستىرىلعان جۋىناتىن بولمە كورىنىسىن قۇرتۋى مۇمكىن. البەتتە، بارلىعىن تاستاي سالۋدىڭ قاجەتى جوق، دەگەنمەن ۆانناداعى بارلىق ماتا بۇيىمدارىن ءتۇسى بويىنشا جاراساتىن ورامالدارعا بىرتىندەپ اۋىستىرۋعا بولادى.

سپورتتىق قۇرال- جابدىقتار

ەگەر ءسىز ۆەلوجاتتىعۋدا جاتتىقپاعانىڭىزعا ءبىر جىلداي بولسا، وندا ونىڭ پاتەردە تۇرۋىنىڭ ەش قاجەتى جوق. الايدا ەگەر كۇندەلىكتى جاتتىعاتىن بولساڭىز، وندا گانتەلدەردەرگە ارنالعان ارنايى ورىن ويلاستىرۋ قاجەت نەمەسە قىلتيمادا ميني- سپورتزال جاساپ قويۋدى ۇسىنامىز.

توسەك ورىن جابدىقتارى

ەگەر جاتىن بولمەدە كارتينالار ءىلىنىپ تۇرسا جانە انتيكۆار ساعاتتار تۇراتىن بولسا، وندا جولبارىس ورنەكتى توسەك جابدىقتارى ورىنسىز. بۇدان شىعۋدىڭ ەكى امالى بار: ۆاننا ورامالدارى سياقتى بىرتىندەپ اۋىستىرۋ، نەمەسە ءبارىن جاۋىپ تۇراتىن ۇلكەن جاپقىش الۋ، جانە ۇستىنە ساندىك جاستىقتار ورنالاستىرۋ.

اس ۇيدەگى ۇساق-تۇيەك زاتتار

تاڭعالارلىق جاعداي، ءبىراق دامدەۋىشتەر مەن مايلاردى ىڭعايلى جەرگە قويىپ، اس ءۇيدى كوپتەگەن قوراپ، پاكەت پەن بانكالاردىڭ بىلىعىنان ساقتاۋعا بولادى ەكەن. اس ۇيدەگى ۇساق- تۇيەكتى ساقتاۋدى ۇيىمداستىرۋ ونى تارتىمدى ەتىپ، ال تاعام دايىنداۋ پروتسەسى - ناعىز ءلاززاتقا اينالادى.

بالالار ويىنشىقتارى

ۇيدە بالا بولعاندا ءۇيدى رەتتەپ ۇستاپ وتىرۋ قيىن ەكەنى راس. دەگەنمەن بالالار ءبىرىڭعاي ءانسامبلدى بۇزاتىن ەمەس، كەرىسىنشە فاكتور بولا الادى. مىسالى، بالالار بولمەسىندەگى ءتۇرلى- ءتۇستى كونتەينەرلەر بالالاردى جيناقىلىققا ۇيرەتەدى جانە بولمەنىڭ ءسانىن كىرگىزەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات