+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ايەلدىڭ ەرىنەن جاسىراتىن 10 قۇپياسى

22 قىركۇيەك 14:35
:ءبولىسۋ
ايەلدىڭ ەرىنەن جاسىراتىن 10 قۇپياسى

نۇر-سۇلتان. قازاقپارات - ايەل سوزشەڭ كەلەدى دەگەن ءبىر تاپتاۋىرىن تۇسىنىك بار.

قالاي دەگەنمەن دە قانشا جەردەن اعىنان جارىلسا دا ايەلدەردىڭ، اسىرەسە ەرىنە ايتا بەرمەيتىن ءوز قۇپياسى بولادى. سونىڭ بىرنەشەۋىنە توقتالا وتەلىك...

1. كەز كەلگەن ايەل نازىك زاتىنا ساي سەزىمتال كەلەدى. ول ءومىر جولىندا جولىقتىرعان جۇبى ءار ءسات سايىن جۇرەگى قالاعان نارسەسىن ايتقىزباي تاۋىپ، ورىنداسا ەكەن دەپ ارماندايدى (جارىنىڭ كوڭىلىن تاپقىش ەر ازامات - بىزدە سيرەك كەزدەسەتىن جاعداي).

ءبىراق بۇل ارمانى جايلى ەرىمەن ەشقاشان بولىسپەيدى. كوبىنە ۇيدەگى تۇسىنىكسىز ايقاي- شۋ، نەگىزىنەن، وسىدان تۋىنداپ جاتادى. بۇل كيكىلجىڭ سىرى كەي وتباسىندا جاريا بوپ قالادى. مۇندايدا كۇيەۋدىڭ: «ماعان نەعىل دەيسىڭ» نەمەسە «الدىن الا ايتپادىڭ با، سەنىڭ نە قالاپ تۇرعانىڭدى قايدان بىلەمىن» دەپ ايتىلعان ءسوزى ايەل ءۇشىن توبەدەن سۋىق سۋ قۇيىپ جىبەرگەنمەن بىردەي اسەر ەتەدى.

2. مۇندايدا كوڭىلى جابىرقاۋلى نازىك جان: «وسىنشا جىل تۇرىپ مەنى تانىپ- بىلمەگەنى مە، دەمەك مەنى شىنداپ سۇيمەگەنى عوي» دەپ ىشتەي تولعانىپ، كۇيىنەدى. ءوزىنىڭ قۇلاي سۇيگەن سەزىمى اقتالماعان سياقتى كۇي كەشەدى. ءبىراق مۇنىسىن تاعى دا ەرىنە بىلدىرمەيدى. ءبىراق تىمىرايىپ جۇرگەن وتاناسىنىڭ جايىنان قانىق وتاعاسى ءبىر نارسەنى دۇرىس جاساماعانىن انىق سەزەدى. سوندا نەنى دۇرىس جاسامادى؟

3. كوبىنە ەركەكتەر ايەلىنە كوپ كوڭىل بولسە، (ءوز سوزدەرىمەن ايتقاندا) قۇتىرىپ كەتەدى دەپ جاڭساق ويلايدى. كەرىسىنشە، سۋعا قانعان گۇل جايقالىپ شىققان سەكىلدى رومانتيك ەرىنە ءتانتى ايەلدىڭ مۇندايدا كوڭىلى جادىراپ، وعان دەگەن ىنتازارلىعى ارتا تۇسەدى.

ەركەككە قاراعاندا ايەل زاتى ءمارت، جومارت كەلەدى. ايەل قالاۋىن زەرتتەۋ ۇلكەن جەڭىس اكەلەتىنىن ەركەكتەر پايىمداي دا بەرمەيدى. سوندىقتان اراكىدىك ايەل مويىنىنا جۇكتەلگەن مىندەتتەرمەن ءبولىسىپ، توسىن سىيلار جاساپ تۇرسا، ءۇي ۇنەمى مەرەكە مەن بەرەكەگە تولى بولادى.

4. ايەلىم قىزعانشاق ەمەس دەسەڭىز، قاتتى قاتەلەسەسىز. كەز كەلگەن ايەل ەرىن قىزعانادى. ءبىراق ونى بىلدىرمەيتىندەرى وتە كوپ. قىزعانعانىن بىلدىرمەگەن سەكىلدى ءسىزدى اراسىندا تەكسەرىپ تۇراتىنىن دا جاسىرادى. ويتكەنى بۇل ايەل زاتىنىڭ وتباسىن ساقتاۋدا سۇيەنەتىن بىردەن- ءبىر ستراتەگيالىق امالى. قالاي دەگەنمەن دە ايەل قىزعانىشىن تۋعىزىپ، ابىروي جينايمىن دەپ ويلاماڭىز. كەرىسىنشە، كۇدىك تۋعىزاتىن نارسە بولسا، ول تۋرالى جارىڭىز سۇراپ جاتپاسا دا ونى ءتۇسىندىرىپ بەرگەنىنىڭىز ابزال. ويتكەنى ول سۇراماۋى مۇمكىن، ءبىراق كۇدىك قۇرتى ونىڭ مازاسىن قاشىرىپ، وتباسىنىڭ بەرەكەسىن الادى. وزىڭىزگە باس سالعان جان جارىڭىزدىڭ كەيبىر تۇسىنىكسىز قىلىعى وسىمەن دە بايلانىستى بولادى.

5. وتىرىك ورعا جىعادى. ال ايەلدەر وتىرىكتى الىستان سەزىپ قويادى. سول سەبەپتى وتىرىك كولگىرسىپ ايەل الدىندا ابىرويدان جۇرداي بولعانشا، وعان شىنىڭىزدى ايتىپ، باسقا تۇسكەن ماسەلەنى الدىن الا اشىپ العان ءجون. ال شىندىقتى ايتۋدان قورىقپاعان ەردى كەز كەلگەن ايەل سىيلاپ- قۇرمەتتەپ، ونىڭ اعات ءىسى بولسا، كەشىرەدى. ءتىپتى، بۇل قىلىعىڭىزدى قۇربىلارىنا ايتىپ، ماقتانىپ، شاتتانادى.

6. كوپ ايەل سىرتتاي- اق ەركەكتىڭ الەۋەتىن اڭعارا الادى. مۇنى ءبىرى مىنەز- قۇلقىنا، ءبىرى لوگيكاسىنىڭ ولشەمىنە قاراي بىلەدى. ءبىراق، بۇل ايەلدەر ءۇشىن ءتىس جارىپ ايتۋعا بولمايتىن قۇپيا تاقىرىپ. ەركەكتەردىڭ بۇل رەتتە فانتازياسى شەكتەۋلى بولۋى مۇمكىن، ال ايەلدەردە ول سان- ءتۇرلى. مىنە، وسى سان- ءتۇرلى فانتازيانى ايەلدەر ەشقاشان ەرىمەن بولىسپەيدى. ءبىراق ونى قالاپ، سىزدەن ۇنەمى كۇتەدى.

7. «جورا- جولداسىمدى جاقتىرمايدى، مەنى ەشكىممەن ارالاسپاسا دەپ ويلايدى عوي» دەيتىن ەركەكتەر قاتتى جاڭىلىسادى. ەگەر جورا- جولداس ۇناماسا ونىڭ ءبىر سەبەبى بار شىعار. الايدا ۇيدە وتىرعان ەركەكتى ايەل زاتى جەك كورەدى. ەڭ قۇرىماعاندا، جىگىتتەرمەن نەگە سەرۋەندەپ قايتپايدى دەپ ويلايدى. جۇمساق ديۆاننىڭ ۇستىندە قاراما- قارسى تەلەۆيزورعا قارا كەشكە دەيىن قادالىپ جاتقان ەركەك ايەل الدىندا بىرتىندەپ قۇنىن جوعالتا باستايدى. مۇنى دا ايەل اشىپ ايتا بەرمەيدى.

8. شىندىعىندا، ايەل ەرىنىڭ دوستارىنا ۇناعىسى كەلەدى. كىم جەك كورىنىشتى بولعىسى كەلەدى دەيسىز. كوبىنە دوستىڭ دوس اقىلىنا سۇيەنەتىنىن جاقسى بىلەتىن ايەل مۇنى ەرىنە ايتقانىن ىستەتۋدىڭ ءبىر ايلاسى رەتىندە دە قولدانادى. وتباسى ءۇشىن داۋلى شەشىمدى جارىڭىز، ەڭ ءبىرىنشى، دوسىڭىزبەن ءبولىسىپ، ءوزىنىڭ دۇرىستىعىنا ونىڭ كوزىن جەتكىزەدى. ال دوس سىزگە وسىلاي ەتكەندەرىڭىز دۇرىس دەپ كەڭەس بەرەدى. وسىلايشا ايەل قالاۋى ورىندالىپ جاتادى. بۇل - ايەلدىڭ قۇپيا ايلاسىنىڭ ءبىرى.

9. ايەلدەر جالعىز قالعاندى، ناقتىراق ايتقاندا قيالداعاندى جاقسى كورەدى. سوندىقتان ەرىن ۇيدەن قۋدالاي باستايدى. ال ەركەك، كەرىسىنشە بۇدان كۇدىكتەنىپ، تىرىسىپ ۇيدە جاتىپ الادى. ءسويتىپ وي ەركىندىگى تىزگىنىن جىبەرە الماعان ايەلىڭىز اشۋشاڭ بوپ شىعا كەلەدى. ول: «سەن دالاعا بارا تۇرشى، مەن قيالداپ الايىن» دەپ ايتپايدى عوي.

10. ەرىنىڭ كيىمىن ايەل تاڭداعىسى كەلەدى. ءبىراق كوپ ەركەك زايىبىنا بۇل مۇمكىندىكتى بەرمەيدى.



گۇلسىم، الماتى قالاسى





:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات