+7 (701) 759 90 19
-21 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

ۇكىمەتتى الداماق بولعان 1094 وتباسىنىڭ ارەكەتى اشكەرە بولدى

20 قىركۇيەك 13:13
:ءبولىسۋ
ۇكىمەتتى الداماق بولعان 1094 وتباسىنىڭ ارەكەتى اشكەرە بولدى

نۇر-سۇلتان. قازاقپارات - باتىس قازاقستان وبلىسىندا 2516 وتباسىنىڭ اتاۋلى الەۋمەتتىك كومەك الۋىنىڭ زاڭدىلىعى تەكسەرىلدى، دەپ حابارلايدى قازاقپارات ءتىلشىسى.

ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، تەكسەرۋ ناتيجەسىندە اتالعان وتباسىلاردىڭ 586 سىنا تولەم ۋاقىتشا توقتاتىلىپ، تاعى 508 وتباسىنا تولەم مۇلدەم تولەنبەيتىن بولدى.

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ءبولىم باسشىسى قايىرعالي نادىرعاليەۆتىڭ ايتۋىنشا، ا ا ك تاعايىنداۋ كەزىندە ەڭ كوپ تارالعان بۇزۋشىلىق ناقتى تابىستاردى جاسىرۋ بولىپ وتىر.

«ورالدا التى بالانىڭ اناسى وتكەن جىلدىڭ جەلتوقسان ايىنان باستاپ ا ا ك الا باستادى. الەۋمەتتىك كومەك الۋدىڭ زاڭدىلىعىن تەكسەرۋ بارىسىندا ءبىز وتباسىنىڭ ناقتى تابىسىنىڭ جاسىرىلعانىن انىقتادىق. 2018-جىلى جەكە كاسىپكەر رەتىندە تىركەلگەن وتاعاسىنىڭ 6 ميلليون 904 مىڭ 550 تەڭگە كولەمىندەگى تابىسىن جاسىرعان. وسى جىلدىڭ ءبىرىنشى جارتىجىلدىعىنداعى سالىق ەسەپتەرى بويىنشا وتباسىنىڭ تابىسى 3 ميلليون 877 مىڭ تەڭگەنى قۇراعان. قايتا ەسەپتەۋ ناتيجەسىندە وتباسىنا ا ا ك تولەۋدەن باس تارتىلدى»، - دەدى قايىرعالي نادىرعاليەۆ.

وسىعان ۇقساس جاعداي جاڭاقالا اۋدانىندا دا ورىن الدى. وتكەن جىلدىڭ ءساۋىر ايىندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسى اياسىندا ءوتىنىش بەرۋشىنىڭ قايىن اتاسى 5 ميلليون 200 مىڭ تەڭگە كولەمىندە كرەديت الىپ، ول قاراجاتقا 17 ءىرى قارا مال ساتىپ العان.

«ءوتىنىش بەرۋشىنىڭ بىرگە تۇرىپ جاتقان قايىن اتاسى جەڭىلدەتىلگەن كرەديتكە ساتىپ العان ءىرى قارا مالدى كورسەتپەستەن وتباسىنىڭ ناقتى تابىسىن جاسىرعانىن ەسكەرە وتىرىپ، وعان 1 ميلليون 530 مىڭ 612 تەڭگە كولەمىندە ا ا ك تولەۋ توقتاتىلدى. ءساۋىر مەن مامىر ايلارىندا 255 مىڭ 100 تەڭگە كولەمىندە تولەنگەن قاراجات بيۋجەتكە قايتارىلدى»، - دەدى نادىرعاليەۆ.

2019-جىلعى 16- قىركۇيەكتەگى جاعداي بويىنشا ب ق و- نىڭ 59 مىڭ 566 تۇرعىنى نەمەسە 11 مىڭ 778 وتباسى 3,7 ميلليارد تەڭگە كولەمىندە ا ا ك الدى.

ەستەرىڭىزگە سالا كەتەيىك، ااك تاعايىنداۋ مەن تولەۋدىڭ دۇرىستىعىن مونيتورينگتەۋ ناتيجەسىندە 72 مىڭنان استام اتاۋلى الەۋمەتتىك كومەك الۋشى تابىسى تۋرالى جالعان اقپارات بەرگەنى انىقتالدى. وسىعان بايلانىستى مينيسترلىك اكىمدىكتەرمەن بىرلەسە وتىرىپ، ءاربىر انىقتالعان فاكتى بويىنشا بۇزۋشىلىقتارعا جول بەرمەۋ جانە «مەملەكەتتىك اتاۋلى الەۋمەتتىك كومەك تۋرالى» ق ر زاڭىن بۇزىپ زاڭسىز تاعايىندالعان تولەمدەردى قايتا قاراۋ بويىنشا جەكە-جەكە جۇمىس جۇرگىزۋدە. بۇل باعىتتاعى جۇمىس جالعاسىپ جاتىر.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات