قازاقستاندا 109,2 ميلليون توننا كومىر ءوندىرىلدى

نۇر- سۇلتان. قازاقپارات - 2020 -جىلى ەلىمىزدىڭ كومىر ءوندىرۋشى كومپانيالارى 109,2 ميلليون توننا كومىر شىعاردى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم بولدى، دەپ حابارلايدى قازاقپارات.

«ەنەرگيا ءوندىرۋشى كاسىپورىندارعا 58,8 ميلليون توننا كومىر تيەلدى، بۇل 2019 -جىلمەن سالىستىرعاندا 2,6 پايىزعا ارتىق. ونەركاسىپ كاسىپورىندارىنا 5,6 ميلليون توننا كومىر جونەلتىلدى، سونداي- اق كوممۋنالدىق- تۇرمىستىق قاجەتتىلىكتەرگە جانە حالىققا 10,6 ميلليون توننا كومىر تيەلدى. كومىر ەكسپورتى شامامەن 29,3 ميلليون توننانى قۇرادى»، - دەلىنگەن ۆەدومستۆو مالىمەتىندە.

ەستەرىڭىزگە سالا كەتەيىك، 2020-2021 -جىلدارداعى كەزەڭدە كوممۋنالدىق- تۇرمىستىق قاجەتتىلىكتەر جانە حالىق ءۇشىن كومىر ءونىمى قاجەتتىلىگىنىڭ قالىپتاسقان جوسپارىنا سايكەس، تۇتىنۋ كولەمى شامامەن 10 ميلليون توننانى قۇرادى. ونىڭ ىشىندە كوممۋنالدىق- تۇرمىستىق سەكتورعا شامامەن 2,8 ميلليون توننا، تۇرعىندارعا 7,2 ميلليون تونناسى تيەسىلى.

اۆتور: رۋسلان عابباسوۆ