الماتى وبلىسىندا كارانتين ءتارتىبىن بۇزۋدىڭ 107 دەرەگى تىركەلدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وڭىردە ق ر ا ق ب ك 476-بابىنىڭ تالاپتارى 107 مارتە بۇزىلعانى بەلگىلى بولدى. توتەنشە جاعداي ءتارتىبىن بۇزۋعا جول بەرگەن 41 تۇلعا قاماققا الىنىپ، 46 ازامات ايىپپۇل ارقالاعان.
قالعان قۇقىق بۇزۋشىلار ەسكەرتۋ الۋمەن شەكتەلگەن. ونىڭ ىشىندە ەڭ كوپ تىركەلگەنى - 49 رەت كارانتين اۋماعىنا كىرۋگە نەمەسە تىيىم سالىنعان اۋماقتان شىعۋعا ارەكەت ەتكەن.
اتالعان دەرەكتەر بويىنشا ق ر ا ق ب ك 476-بابىنا سايكەس اكىمشىلىك قۇقىق بۇزۋشىلىق جاساعانى ءۇشىن حاتتاما تولتىرىلعان.
كارانتين جانە باسقا دا مىندەتتى سانيتاريالىق-ەپيدەمياعا قارسى ءىس-شارالاردى وتكىزۋدى بۇزعانى ءۇشىن 33 حاتتاما جازىلعان. سوت شەشىمىمەن 27 تۇلعاعا ايىپپۇل سالىنىپ، ەكى ازامات اكىمشىلىك قاماققا الىنعان.
قۇقىق بۇزۋشىلىقتاردى انىقتاۋ بويىنشا ىلە اۋدانىنىڭ پوليتسەيلەرى 34 دەرەكتى اشكەرەلەپ توپ باستاسا، قاراساي اۋدانىندا 26 دەرەك جانە تالدىقورعان قالاسىندا 14 دەرەك تىركەلگەنى بەلگىلى بولدى.