پرەزيدەنتتىككە كانديدات رەتىندە تىركەۋگە كەدەرگى كەلتىرەتىن 107 اۋرۋ تىزبەسى بەكىتىلگەن
بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى باقىت مەلدەشوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا «قازاقستان رەسپۋبليكاسىنىڭ پرەزيدەنتتىگىنە كانديداتتىڭ دەنساۋلىق جاعدايى تۋرالى مەديتسينالىق قورىتىندىعا قويىلاتىن تالاپتاردى جانە قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋگە كەدەرگى كەلتىرەتىن اۋرۋلاردىڭ تىزبەسىن بەكىتۋ تۋرالى» ورتالىق سايلاۋ كوميسسياسى مەن دەنساۋلىق ساقتاۋ مينيسترلىگىنىڭ بىرلەسكەن نورماتيۆتىك قۇقىقتىق اكتىسى قابىلداندى جانە ادىلەت مينيسترلىگىندە 2019-جىلعى 13- ساۋىردە تىركەلدى. نورماتيۆتىك قۇقىقتىق اكتىلەر ەلەكتروندى تۇردەگى ەتالوندىق باقىلاۋ بانكىندە 2019-جىلعى 15- ساۋىردە تىركەلىپ، جاريالانعان كۇننەن باستاپ زاڭدى كۇشىنە ەندى»، - دەدى ول.
ونىڭ ايتۋىنشا، مەديتسينالىق قورىتىندى كانديدات مەديتسينالىق كۋالاندىرۋ جۇرگىزۋ ءۇشىن جۇگىنگەن كەزدەن باستاپ كۇنتىزبەلىك ءۇش كۇننەن اسپايتىن مەرزىمدە بەرىلەدى جانە قازاقستان رەسپۋبليكاسى پرەزيدەنتىنىڭ سايلاۋى مەرزىمى ىشىندە جارامدى بولادى. بەرىلگەن مەديتسينالىق قورىتىندىلاردىڭ ەسەبىن دەنساۋلىق ساقتاۋ ۇيىمدارى جۇرگىزەدى. ولارعا دەنساۋلىق ساقتاۋ سالاسىنداعى ۋاكىلەتتى ورگاننىڭ عانا قولجەتىمدىلىگى بار.
«بىرلەسكەن نورماتيۆتىك قۇقىقتىق اكتىدە قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەۋگە كەدەرگى كەلتىرەتىن 107 اۋرۋ تىزبەسى كورسەتىلگەن»، - دەدى و س ك مۇشەسى.