قازاقستان 106 ەلگە وڭدەلگەن ءونىم ەكسپورتتايدى
«ءبىز ءۇشىن وڭدەۋ ونىمدەرى ەكسپورتىن 2025 -جىلى 41 ميلليارد ا ق ش دوللارىنا جەتكىزۋ اسا ماڭىزدى. وتكەن جىلى 26,5 ميلليارد ا ق ش دوللارى بولدى. بيىل 1-توقساندا وڭدەلگەن ءونىمنىڭ سىرتقى ساۋداسىنىڭ جالپى كولەمى 18,8 ميلليارد ا ق ش دوللارىن قۇرادى. بۇل وتكەن جىلعى سايكەس كەزدەگى كورسەتكىشتەن 32 پايىزعا جوعارى. سوڭعى ءۇش جىلدا بۇل كورسەتكىش 63 پايىزعا ءوستى. وسى كەزەڭدە شيكىزاتتىق ەمەس تاۋارلاردىڭ ەكسپورتى 5,9 ميلليارد ا ق ش دوللارىن قۇرادى. ءوسىم 7,6 پايىزدى كورسەتتى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، ەكسپورتتىڭ ءوسۋى، سونداي- اق تاۋار پوزيتسيالارىنىڭ سانىن كەڭەيتۋ ەسەبىنەن دە قامتاماسىز ەتىلدى. وسى جىلدىڭ ءبىرىنشى توقسانىندا ەكسپورتقا جەتكىزىلەتىن تاۋارلاردىڭ نومەنكلاتۋراسى 767 تاۋار پوزيتسياسىنا ۇلعايدى.
«ەكسپورت گەوگرافياسى دا كەڭەيىپ كەلەدى. وسى جىلى قازاقستاندىق شيكىزاتتىق ەمەس ەكسپورت الەمنىڭ 106 ەلىنە جونەلتىلدى. بۇل 2022 -جىلمەن سالىستىرعاندا 6 ەلگە كوپ. وڭدەلگەن تاۋارلاردىڭ نەگىزگى يمپورتتاۋشىلارى رەسەي، قىتاي، وزبەكستان، تۇركيا، نيدەرلاند، ۇلى بريتانيا، جاپونيا، قىرعىزستان، گرۋزيا، اۋعانستان بولدى»، - دەدى قايرات تورەبايەۆ.
ۆيتسە- ءمينيستردىڭ دەرەگىنشە، ەلىمىز ەكسپورتقا مىس، مىس كاتودىن، فەرروقورىتپالار، ۋران، مۇناي ونىممدەرىن، كۇمىس، ۇن، مىرىش، تابيعي گاز شىعارادى.