بيىل ەگىستىك القابى 105 مىڭ گەكتارعا ۇلعايدى
«اكىمدىكتەردىڭ دەرەگىنە سايكەس 2022 -جىلعا ارنالعان ەگىس القاپتارىنىڭ بولجامدى قۇرىلىمى قالىپتاستى. جالپى ەگىس الاڭى - 23,1 ميلليون گەكتار. بۇل 2021 -جىلدىڭ كورسەتكىشىنەن 105 مىڭ گەكتارعا ارتىق. جەمشوپ داقىلدارىنىڭ القابى ەداۋىر ۇلعايتىلىپ، 3,6 ميلليون گەكتارعا جەتتى. سونداي- اق كارتوپ، كۇنباعىس، كوكونىس، ياعني الەۋمەتتىك داقىلدار القابى ۇلعايتىلدى. وسى جىلعى كوكتەمگى ەگىس جۇمىستارىن ۋاقىتىلى جانە ساپالى جۇرگىزۋ بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا ءبىزدىڭ مينيسترلىك بىرنەشە رەت وبلىس اكىمدىكتەرىمەن كەڭەس وتكىزدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ دەرەگىنشە، ەگىس جۇمىسىن جۇرگىزۋگە، شارۋا قوجالىقتارىن تۇقىممەن، اگروحيميامەن، تەحنيكامەن قامتاماسىز ەتۋگە، قارجىلاندىرۋعا بايلانىستى بۇكىل ماسەلەلەردى ۇيلەستىرۋ ماقساتىندا رەسپۋبليكالىق جەدەل شتاب قۇرىلدى.
«ونىڭ قۇرامىنا بارلىق مۇددەلى ورگاندار مەن ۇيىمدار، سونداي- اق وبلىس اكىمدەرىنىڭ ورىنباسارلارى كىرگىزىلدى. شتاب وتىرىسى اپتا سايىن وتكىزىلەدى»، - دەدى ءابىلحايىر تامابەك.
اۆتور: مارلان جيەمباي