اقتوبەدە 105 جاستاعى كەيۋانا سايلاۋ ۋچاسكەسىنە ءوزى بارىپ، داۋىس بەردى
اقتوبەدە وبلىسىندا بارلىعى 517 سايلاۋ ۋچاسكەسى بار. ولاردىڭ 162 ءىسى اقتوبە قالاسىندا ورنالاسقان. وڭىردە 4 مىڭعا جۋىق ادام ءوز ۇيىندە وتىرىپ، 700 دەن استامى ەمدەۋ ورىندارىندا تاڭداۋ جاساۋعا ءوتىنىش بەرگەن.
الايدا 105 جاستاعى كەيۋانا بالاسىمەن بىرگە سايلاۋ ۋچاسكەسىندە داۋىس بەرۋدى ۇيعارعان.
«بۇرىن ەرتە تۇرىپ، العاشقىلاردىڭ ءبىرى بولىپ، داۋىس بەرەتىن ەدىم. قازىر قارتايدىق، ءوزىمىز كەلە المايمىز. بالاممەن بىرگە كەلىپ، تاڭداۋ جاسادىم. قازاقستان، ەلىم امان بولسىن! ءوزىم ءار سايلاۋعا قاتىسىپ، لايىقتى تاڭداۋ جاساپ ءجۇرمىن»، - دەدى جاقىباي بيسەنعاليەۆ.
كەيىن كەيۋانا اق باتاسىن بەردى.
ايتا كەتەيىك، جاقىباي بيسەنعالييەۆا اقتوبە وبلىسى، قازىرگى حرومتاۋ اۋدانى، قىزىلسۋ اۋىلىنداعى كوپبالالى وتباسىندا دۇنيەگە كەلگەن. ويى زەرەك، بىلىمگە قۇشتار بولعان جاقىباي بيسەنعاليەۆا حات تانىعانىمەن، اۋىلدا مولدا بولمادى. ءسويتىپ ونىڭ تالابى ورتا جولدان كەسىلدى. ال 30-جىلدارى اۋىلعا ورىستار قونىستانىپ، قاراپايىم تۇرعىندار جەر جىرتىپ، كوكونىس ەگە باستادى. اناسى ناۋقاس، اكەسى وتباسىن ءوزى اسىراعان كەزدە جاقىباي اجە دە قاراپ قالمادى. ءۇيدىڭ بار اۋىرتپالىعىن كوتەرىپ، تاڭنان كەشكە دەيىن ەڭبەك ەتتى.
باۋىرلارىنا قامقور بولىپ، ولاردىڭ اياقتانىپ كەتۋىنە كومەكتەستى. ءسويتىپ ءوزى كەش تۇرمىس قۇردى. وتاعاسى عابيت بيسەنعاليەۆ قىزمەتتە بولدى. جاس وتباسىنىڭ بۇل قۋانىشى ۇزاققا سوزىلماي، ەكىنشى دۇنيەجۇزىلىك سوعىس باستالىپ كەتتى. سوعىستان امان-ەسەن ورالعان سوڭ ءۇش بالا ءسۇيدى. قازىر جەتى شوبەرەسى بار، ءوزى نەمەرەسىنىڭ قولىندا تۇرادى.