ۇلى بريتانيادا 105 جاسقا تولعان كەيۋانا ۇزاق ءومىر ءسۇرۋىنىڭ قۇپياسىن اشتى
قارتتار ۇيىندە 105 جاسقا تولعان اتاۋلى كۇنىن اتتاپ ءوتىپ جاتقان برەندا وسبورن ۇزاق ءومىرىنىڭ قۇپياسىن اشتى. تۋعان كۇن يەسى ەر ادامدارعا جاقىنداماعاندىقتان، كوپ جۇمىس ىستەپ، تازا اۋادا ءجيى دەمالعاندىقتان وسىنداي ناتيجەگە قول جەتكىزگەنىن مويىندادى، دەپ حابارلايدى Mirror باسىلىمىنا سىلتەمە جاساپ Stan.kz.
برەندا 1913 -جىلى نوتتينگەم قالاسىندا دۇنيەگە كەلگەن. ول 33 -جىل كولەمىندە مەيىربيكە بولىپ جۇمىس ىستەگەن. وسىنشا ۋاقىت ىشىندە ول دەنساۋلىق جاعدايىنا بايلانىستى ءبىر رەت قانا جۇمىسىنان قالعان.
كەيۋانا ءومىرىنىڭ 93 جىلىن اتا- اناسىنىڭ ۇيىندە وتكىزىپتى. ال قارتتار ۇيىنە بىلتىر عانا كوشىپ كەلگەن.
برەندا ەڭبەك جولىن 1940 -جىلى ۆيكتورياداعى اۋرۋحانادا باستاعان. 1946 -جىلى ول مەيىربيكەنىڭ كومەكشىسى بولىپ، 6 جىلدان كەيىن اعا مەيىربيكە اتانعان.
«ءبىر عاسىردان اسا ءومىر سۇرگەن تاتەم ەركىن ادام ەدى. ول جاقىندا قارتتار ۇيىنە كوشىپ كەلدى. ەندى ءوزىنىڭ ۇزاق ءومىر ءسۇرۋىنىڭ سىرى ەركەكتەرمەن جىنىستىق قاتىناستا بولماعانىن ايتىپ ازىلدەيدى» ، - دەيدى كەيۋانانىڭ تۋىسى.