پوليسەيلەر 104 جاستاعى كەيۋانانىڭ حاتىن وقىعاننان كەيىن ونى تۇتقىنداۋدى ۇيعاردى
بۇل تۋرالى Daily Mail باسىلىمى حابارلايدى.
قارتتار ءۇيىنىڭ قىزمەتكەرلەرى 104 جاستاعى ەنن بروكەنبروۋدى بىربەتكەي، الايدا كوڭىلدى ءارى كوپشىل ادام دەپ سيپاتتايدى. ولار قايىرىمدىلىق جوباسىن ۇيىمداستىرىپ، قاريالاردان ارمانىن جازۋىن سۇراعان. ارتىنشا قاريالاردىڭ حاتى جەرگىلىكتى كومپانيالاردىڭ ءبىرىنىڭ دۇكەندەر جەلىسىنە جىبەرىلەدى. كەلۋشىلەر حاتتاردى وقىپ، قارتتاردىڭ ارمانىن مۇمكىندىگىنشە ورىنداپتى.
الايدا 104 جاستاعى كەيۋانانىڭ حاتى كوپشىلىكتى تاڭعالدىردى. ەنن بروكەنبروۋ ءومىر بويى زاڭعا باعىنىپ ءومىر سۇرگەنىن جانە ءوزىن ەشقاشان پوليتسيا تۇتقىنداماعانىن جازىپتى. سوندىقتان ول ءوزىنىڭ تۇتقىندالعانىن ارماندايدى ەكەن.
پوليتسەيلەر 104 جاستاعى كەيۋانانىڭ حاتىن وقىعاننان كەيىن ونى تۇتقىنداماق
«مەنىڭ ارمانىم - تۇتقىندالۋ. مەن 104 جاستامىن جانە ەشقاشان زاڭدى بۇزعان ەمەسپىن»، - دەيدى.
جەرگىلىكتى پوليتسەيلەر كەيۋانانىڭ ارمانىن ورىنداۋعا كەلىستى. ولار تاياۋدا قارتتار ۇيىنە بارىپ، ەنن بروكەنبروۋدى قۋانتۋ ءۇشىن، ونى تۇتقىندايدى.