+7 (701) 759 90 19
5 °С : نۇر-سۇلتان
7 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

كوروناۆيرۋس قايتا ورشىگەن جاعدايدا «103» قىزمەتى قالاي جۇمىس ىستەيتىنىن مالىمدەدى

18 قىركۇيەك 14:15
:ءبولىسۋ
كوروناۆيرۋس قايتا ورشىگەن جاعدايدا «103» قىزمەتى قالاي جۇمىس ىستەيتىنىن مالىمدەدى

نۇر-سۇلتان. قازاقپارات - جاز ماۋسىمىندا ىندەت ورشىگەن كەزىدە جەدەل جاردەم قىزمەتىنە جۇكتەمە بىرنەشە ەسەگە ارتقانى بەلگىلى.

نۇر-سۇلتان قالاسى اكىمدىگىنىڭ قوعامدىق دەنساۋلىق ساقتاۋ باسقارماسى كوروناۆيرۋستىق ينفەكسيا قايتالانعان جاعدايدا «103»-كە جۇكتەمەنى ازايتۋ بويىنشا شارالار قابىلداۋدا، دەپ حابارلايدى قازاقپارات.

وسىلايشا، «103» ديسپەتچەرلىك پۋلتتەرىنىڭ سانى 14 تەن 30 عا دەيىن ۇلعايدى. قاجەت بولعان جاعدايدا قوڭىراۋلارعا قىزمەت كورسەتەتىن جەدەل جاردەم بريگادالارىنىڭ سانى باستاپقى مەديتسينالىق سانيتارلىق كومەك ۇيىمدارىندا 70 بريگاداعا، جەدەل جاردەم ستانسياسىنىڭ دەڭگەيىندە 90 بريگاداعا دەيىن ارتادى. كوروناۆيرۋس جانە پنەۆمونيامەن اۋىراتىن ناۋقاستاردى گوسپيتاليزاتسيالاۋدىڭ جاڭا الگوريتمى بەكىتىلدى.

«جەدەل جاردەم ستانسياسىنىڭ بازاسىندا بايلانىس ورتالىعى اشىلدى. ياعني، اۋماقتىق ەمحانالاردىڭ قىزمەتكەرلەرى تۇرعىندارعا كوروناۆيرۋسپەن بايلانىستى سۇراقتارى بويىنشا تۇسىنىكتەمە بەرۋگە ءازىر. وسىلايشا «103» جەلىسىنە جۇكتەمە ازايدى. سونىمەن قاتار، قالا تۇرعىندارى جەدەل جاردەم شاقىرۋ ءۇشىن Telegram الەۋمەتتىك جەلىسىندەگى چات- بوتتى ءاردايىم قولدانا الادى»، - دەدى باسقارما باسشىسىنىڭ ورىنباسارى ءاليا رۇستەموۆا.

ءاليا رۇستەموۆانىڭ ايتۋىنشا، احۋال ورتالىعىنىڭ جۇمىسى ەپيدەميولوگيالىق احۋالدى باقىلاۋ جانە ناۋقاستاردى اۋرۋحاناعا جاتقىزۋ، سونداي-اق رەسۋرستاردى ءتيىمدى ءبولۋ ماقساتىندا مەديتسينالىق ۇيىمداردىڭ ءوزارا ارەكەتتەستىگى بويىنشا جەدەل باسقارۋ شەشىمدەرىن قابىلداۋ ءۇشىن ۇيىمداستىرىلعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات