16:30, 27 - ناۋرىز 2020 | GMT +6
رەسەيدە كوروناۆيرۋس جۇقتىرعاندار سانى 1036 ادامعا جەتتى
ماسكەۋ. تاسس - قازاقپارات - رەسەيدە كوروناۆيرۋس جۇقتىرعاندار سانى ءبىر تاۋلىكتە 840 ادامنان 1036 ادامعا جەتتى، دەپ مالىمدەدى جەدەل شتاب.
بۇل تۋرالى قازاقپارات تاسس- قا سىلتەمە جاساپ حابارلايدى.
ماسكەۋدە كوروناۆيرۋس جۇقتىرعاندار سانى 703 ادامدى قۇرادى. ءبىر تاۋلىكتە اۋرۋ جۇقتىرعان تاعى ءبىر ناۋقاس قايتىس بولدى. كوروناۆيرۋسقا شالدىعىپ، ەمدەلىپ شىققان رەسەيلىكتەر سانى 45 ادامعا جەتتى. ءبىر تاۋلىكتە جەتى ادام اۋرۋحانادان شىعارىلدى. رەسەيدە كوروناۆيرۋس تابىلعان وڭىرلەر سانى 56-دان 58-گە جەتتى.