تۇركىستان وبلىسىندا ءبىر تاۋلىكتە كوروناۆيرۋس جۇقتىرۋدىڭ 101 جاعدايى تىركەلدى

None
None
تۇركىستان. قازاقپارات - تۇركىستان وبلىسىندا سوڭعى تاۋلىكتە COVID-19-ىندەتىنىڭ 101 جاعدايى راستالىپ، تاۋلىكتىك ءوسىم %1,18 قۇراعان.

وڭىردە پاندەميا باستالعالى ىندەت جۇقتىرۋدىڭ 8622 جاعدايى تىركەلگەن، دەپ حابارلايدى قازاقپارات ءتىلشىسى.

بۇگىندە تۇركىستان وبلىسى «سارى» ايماقتا تۇر. قازىر ينفەكسيالىق ستاتسيونارلاردا 2020 ورىن بار. ونىڭ 901 ءى بوس تۇر. سونداي-اق، بۇگىنگە دەيىن 875448 پ ت ر سىناماسى الىنعان.

ال، سوڭعى تاۋلىكتە زەرتحانالاردا 3442 ادام تەكسەرىلگەن.

ايتا كەتەيىك، وبلىستاعى مەكەمەلەردە 8 وتتەگى ستانتسياسى، 400 ءو ج ج اپپاراتى، مىڭنان اسا وتتەگى اپپاراتى بار. سونداي-اق، 2 ايعا جەتەتىن ءدارى-دارمەك قورى جاساقتالعان، 40 تان استام ءدارى قويماسى مەن 800 دەي ءدارىحانا بار. سونىمەن قاتار، وڭىردە ۆاكسيناتسيا قارقىندى ءجۇرىپ جاتىر.

وبلىستا ءوز ەركىمەن 526 مىڭنان استام ادام كوروناۆيرۋسقا قارسى ەكپە قابىلداعان. ەكىنشى كومپونەنتپەن 339151 ادام ۆاكسينا سالدىرعان. ال، كەيىنگى تاۋلىكتە 5515 ءبىرىنشى كومپونەنتپەن بولسا، ەكىنشى رەت 8433 ادام ەكپە قابىلداعان. COVID-19 عا قارسى ۆاكسيناتسيالاۋ 128 ەكپە سالدىرۋ پۋنكتتەرىندە جۇرگىزىلۋدە.

سوڭعى جاڭالىقتار