كوروناۆيرۋستان 101 جاستاعى كەيۋانا ەمدەلىپ شىقتى

نۇر- سۇلتان. قازاقپارات – يسپانيادا 101 جاستاعى كەيۋانا كوروناۆيرۋستان ەمدەلىپ شىقتى، دەپ حابارلايدى «حابار 24».

قارت انا استۋرياداعى اۋرۋحاناعا ناۋرىزدىڭ 15- كۇنى جەتكىزىلگەن ەدى. سودان 2 اپتا ەم- دوم العان كەيۋانا قازىر ۆيرۋستان ايىعىپ ۇيىنە قايتىپ وتىر. بۇعان دەيىن جۇقپالى دەرتتەن 93 جاستاعى قارت جازىلىپ شىققان.

ايتا كەتەيىك، يسپان ەلىندە قازىر ىندەتكە شالدىققانداردىڭ سانى 117 مىڭنان استى. 11 مىڭ ناۋقاس دەرتتەن كوز جۇمدى. دارىگەرلەردىڭ ايتۋىنشا، ناۋرىزدىڭ 26-سىنان بەرى العاش رەت ۆيرۋستان قايتىس بولعانداردىڭ سانى ازايعان.

ماري كارمەن، ناۋقاستىڭ قىزى:

- مەنىڭ شەشەمنىڭ دەرتتەن جازىلىپ شىعۋى وزگە ناۋقاستارعا ءۇمىت سىيلايدى دەپ سەنەمىن. كوروناۆيرۋستان 101 جاستاعى ادام ەمدەلسە، سىزدەردىڭ دە اۋرۋدان ايىعىپ شىعاتىندارىڭىز انىق.