ءامينا ءومىرزاقوۆانىڭ تۋعانىنا - 101 جىل: «انا تۋرالى اڭىز» فيلمى اشىق كورسەتىلىمگە شىقتى

نۇر-سۇلتان. قازاقپارات - كورنەكتى تەاتر جانە كينو اكتريساسى ءامينا ءومىرزاقوۆانىڭ تۋعان كۇنىنە وراي، ش. ايمانوۆ اتىنداعى «قازاق فيلم» كينوستۋدياسى Youtube ارناسىندا «انا تۋرالى اڭىز» كوركەم فيلمىن اشىق كورسەتىلىمگە شىعاردى، دەپ حابارلايدى قازاقپارات.

101 جىل بۇرىن (1919-2006) اكتريسا، قازاقستاننىڭ حالىق ءارتىسى، «تارلان» سىيلىعىنىڭ يەگەرى ءامينا ەرعوجا قىزى ءومىرزاقوۆا دۇنيەگە كەلدى.

شىعىس قازاقستان وبلىسىنىڭ اباي اۋدانىندا تۋعان. سانكت- پەتەربۋرگ ساحنا ونەرى تەحنيكۋمىنىڭ قازاق ستۋدياسىن بىتىرگەن. 1938-1940 -جىلدارى شىمكەنت وبلىستىق دراما تەاترىنىڭ ترۋپپاسىندا، ال 1942-1949 -جىلدارى «قازاق فيلم» ستۋدياسىندا قىزمەت اتقاردى. 1949 -جىلدان قازاق اكادەميالىق جاستار مەن بالالار تەاترىنىڭ اكتريساسى بولدى.

«ش. ايمانوۆ اتىنداعى «قازاقفيلم» ا ق باستاماسىمەن ءامينا ءومىرزاقوۆانىڭ 100 جىلدىعىنا وراي بىلتىر «قازپوشتا» ا ق «ەستەلىك جانە مەرەيتويلىق داتالار» سەرياسىنان پوشتا ماركاسىن اينالىمعا ەنگىزدى»، - دەلىنگەن اتالعان كينوستۋديا حابارلاماسىندا.

1963 -جىلى ءا. ءومىرزاقوۆا ا. كارپوۆتىڭ «انا تۋرالى اڭىز» فيلمىندە باستى رولدە وينايدى. بۇل اكتريسانىڭ مانسابىنداعى ەڭ ءساتتى رولدەردىڭ ءبىرى، ال فيلم - قازاق كينەماتوگرافياسىنىڭ ەڭ تابىستى جۇمىستارىنىڭ ءبىرى بولدى.

اۆتور: رۋسلان عابباسوۆ