قازاقستان ساۋىردە گەرمانياعا 100 مىڭ توننا مۇناي جەتكىزەدى

استانا. قازاقپارات - ەنەرگەتيكا مينيسترلىگى بەكىتكەن مۇناي تاسىمالى كەستەسىنە ساي «قازترانسويل» ا ق ءساۋىر ايىندا 100 مىڭ توننا قازاقستاندىق مۇنايدى «درۋجبا» مۇناي قۇبىرىمەن «اداموۆا زاستاۆا» مۇناي بەكەتى ارقىلى ءارى قاراي گەرمانياعا جونەلتۋدى جوسپارلاپ وتىر، دەپ حابارلايدى قازاقپارات.

كومپانيا مالىمەتىنشە، بيىلعى اقپان-ناۋرىز ايلارىندا «قازترانسويل» ا ق گەرمانياعا 40 مىڭ توننا مولشەرىندە قازاقستاندىق مۇنايدى تاسىمالداعان.

2022-جىلدىڭ جەلتوقسان ايىندا «قازترانسويل» ا ق 2023-جىلى 1,2 ميلليون توننا قازاقستاندىق مۇنايدى «ترانسنەفت» ج ا ق ماگيسترالدى مۇناي قۇبىرىمەن «اداموۆا زاستاۆا» مۇناي بەكەتى ارقىلى گەرمانياعا جەتكىزۋگە ءوتىنىم بەرگەن بولاتىن.

مۇنايدىڭ بۇل ترانزيتى قازاقستان مەن رەسەي ۇكىمەتى اراسىنداعى 2002-جىلعى 7- ماۋسىمداعى كەلىسىم شەڭبەرىندە جۇزەگە اسادى.

ەسكە سالا كەتەيىك، قازاقستاننىڭ گەرمانياعا اقپاندا - 20 مىڭ، ناۋرىزدا - 20 مىڭ، باس-اياعى 40 مىڭ توننا مۇناي جونەلتكەنىن حابارلاعان بولاتىنبىز.