استانادا-ناۋرىز مەرەكەسىنە وراي 100 دەن استام ءىس-شارا وتەدى
قالا تۇرعىندارى مەن قوناقتارى كونسەرتتەرگە، مەرەكەلىك باعدارلامالارعا، كورمەلەرگە، قويىلىمدارعا، ۇلتتىق سپورت تۇرلەرى بويىنشا سپورت جارىستارىنا، مەرەكەلىك ءىس-شارالارعا جانە تاعى باسقاسىنا قاتىسا الادى، دەپ حابارلايدى قازاقپارات.
استانا اكىمدىگىنىڭ رەسمي سايتىندا ءمالىم ەتىلگەندەي، 15-ناۋرىز كۇنى ساعات 12:00-دە ورتالىقتاندىرىلعان كىتاپحانا جۇيەسى «ارمىسىڭ، ءاز -ناۋرىز» مەرەكەلىك كەشىن، ال 16-ناۋرىز كۇنى ساعات 16:00-دە «نۇر سەبەلە، ۇلىستىڭ ۇلى كۇنى-ناۋرىز!» ءىس-شاراسىن وتكىزەدى.
16-17-ناۋرىز كۇندەرى قالانىڭ ءبىلىم بەرۋ ۇيىمدارىندا وقۋشىلارعا ارناپ ارنايى تاقىرىپتاعى كورمەلەر، كىتاپحانالار مەن مۇراجايلاردا كونفەرەنتسيالار، سونداي-اق ارداگەر ۇستازدارمەن كەزدەسۋلەر، تەاترلاندىرىلعان قويىلىمدار، كونكۋرستار دايىندالادى.
«وركەن» وقۋ ورتالىعىندا «ناۋرىز تويى باستالدى» ۇلتتىق ويىن تۇرلەرىنەن تۋرنير وتەدى.
16-ناۋرىز كۇنى ساعات 19:00-دە «جاستار» سارايى «ناۋرىز مەيرامى قۇتتى بولسىن!»، ال 17-ناۋرىز كۇنى ساعات 19:30 دا «ناۋرىز - دۋمان» مەرەكەلىك باعدارلاماسىن ۇيىمداستىرادى.
16-28-ناۋرىز كۇندەرى ساعات 10.00-18.00 ارالىعىندا ساكەن سەيفۋللين مۇراجايىندا «قوش كەلدىڭ، ءاز-ناۋرىز!» اتتى مەرەكەلىك كورمە وتەدى.
ل. ن. گۋميلەۆ اتىنداعى ە ۇ ۋ- دا 17-ناۋرىز كۇنى فاكۋلتەتتەر اراسىندا مەرەكەلىك كونسەرت پەن داستارحان جايۋ بويىنشا كونكۋرس وتەدى.
ەلوردانىڭ قۋىرشاقتار تەاترىندا 17-31-ناۋرىز ارالىعىندا جاس كورەرمەندەر ءۇشىن «ناۋرىز - دۋمان» قۋىرشاق شوۋى ۇيىمداستىرىلادى.
17-ناۋرىزدا ە. راحماديەۆ اتىنداعى مەملەكەتتىك اكادەميالىق فيلارمونيادا «پاليترا سوزۆۋچي» كونسەرتىنە شاقىرادى، وندا كامەرالىق حور گامبۋرگ ايەلدەر حورىمەن (گەرمانيا) بىرلەسىپ، ارنايى ازىرلەنگەن باعدارلامانى ۇسىنادى. 20-ناۋرىز كۇنى ساعات 19:00-دە وسى ساحنادا مادەنيەت سالاسىنداعى «ناۋرىز ۇلتتىق سىيلىعى» ءىس-شاراسى ءوتىپ، ۇلتتىق سىيلىق تابىستالادى.
سول كۇنى ءال-فارابي اتىنداعى وقۋشىلار سارايى «قارا جورعا» بيىنەن فلەشموب جانە «ناۋرىز - دۋمان» كۇيلەر چەللەندجىن دايىنداپ وتىر.
21-ناۋرىز كۇنى كەشكى ساعات 18:00 دە مۋزىكالىق جاس كورەرمەن تەاترى «جازدىڭ سوڭى» پرەمەرالىق قويىلىمىن ۇسىنادى. ال 22-ناۋرىزدا ءدال وسى ساحنادا «اباي- توعجان» مۋزىكالىق دراماسى، ال 23-ناۋرىزدا - «گاۋھارتاس» مۋزىكالىق-درامالىق قويىلىمىنىڭ پرەمەراسى كورسەتىلەدى.
21-ناۋرىز كۇنى ساعات 19:00-دە «قازاقستان» و ك ز- دا «ءانىم سەن ەدىڭ» كونسەرتى وتەدى. ساحنادا ەلىمىزدىڭ جەتەكشى سوليستەرى، جاس ءارى تالانتتى ورىنداۋشىلار، زاماناۋي ەسترادانىڭ تانىمال جۇلدىزدارى قازاقتىڭ بەلگىلى كومپوزيتورى ءشامشى قالداياقوۆتىڭ اندەرىن ورىندايدى.
21-23-ناۋرىز ارالىعىندا ەكسپو حالىقارالىق كورمە ورتالىعىنىڭ اۋماعىندا «ناۋرىز بازارى» شىعىس جارمەڭكەسى وتەدى. شىعىس جارمەڭكە ەتنوستيلدەگى كيىمدەردىڭ، زەرگەرلىك بۇيىمداردىڭ، كەراميكا، مەتالل، كيىز جانە جىبەكتەن جاسالعان زاتتاردىڭ، كادەسىيلاردىڭ جاڭا توپتامالارىن ۇسىنادى. ناعىز گۋرمانداردى شىعىس تاعامدارى فەستيۆالى كۇتەدى. جارمەڭكە كۇن سايىن جۇمىس ىستەيدى: 21-ناۋرىز ساعات 13.00 دەن 18.00 گە دەيىن، 22 جانە 23-ناۋرىز كۇندەرى ساعات 09.00-دەن 18.00 گە دەيىن.
21-ناۋرىز كۇنى ساعات 13:00-دە ەكسپو اۋماعىنداعى Nur Alem سفەراسىنىڭ جانىنداعى اشىق الاڭدا «ناۋرىز مەيرامى» كوشپەلى وركەنيەت فەستيۆالى اشىلادى. ول سونداي-اق 22 جانە 23-ناۋرىزدا ساعات 11.00 دەن 18.00 گە دەيىن جۇمىس ىستەيدى. فەستيۆال اياسىندا مەرەكەگە وراي ەلوردا تۇرعىندارى اراسىندا ۇلتتىق سپورت تۇرلەرى بويىنشا جارىستار وتەدى.
فەستيۆال ەلوردانىڭ باسقا دا اۋداندارىندا ۇيىمداستىرىلادى. ماسەلەن، قازاق ەلى مونۋمەنتىنىڭ الاڭىندا جانە قالالىق الاڭدا 21 جانە 22-ناۋرىزدا ساعات 11:00-دەن 16:00 گە دەيىن، 23-ناۋرىزدا 11:00 دەن 14:00 گە دەيىن وتەدى.
اۋقىمدى ءىس-شارالار كەلەسى ەلدى مەكەندەردە ۇيىمداستىرىلادى:
الماتى اۋدانى:
- «تەمىرجولشىلار» ەلدى مەكەنى؛
- «جەرۇيىق» ساياباعى؛
- «كۇيشىلەر» اللەياسى؛
- «ينتەرناتسيونالنىي» ەلدى مەكەنى؛
- «ميچۋرينو» ەلدى مەكەنى.
ەسىل اۋدانى:
- «ۇركەر» ەلدى مەكەنى؛
- «بايتەرەك» مونۋمەنتى؛
- «پريگورودنىي» ەلدى مەكەنى؛
- «جاعالاۋ» ءنۇلزارى؛
- «ارناۋ» تۇرعىن ءۇي كەشەنى؛
- «زەلەنىي كۆارتال» تۇرعىن ءۇي كەشەنى؛
- «نازاربايەۆ- ورتالىعى».
سارىارقا اۋدانى:
- «كوكتال» ساياباعى؛
- «قورعالجىن» ساياباعى؛
- «اگروقالاشىق» ەلدى مەكەنى.
بايقوڭىر اۋدانى:
- «اتاتۇرىك» ساياباعى؛
- «جازۋشىلار» اللەياسى؛
- «كيرپيچنىي» ەلدى مەكەنى؛
- «كازگورودوك» ەلدى مەكەنى؛
- ء«وندىرىس» ەلدى مەكەنى.