العاشقى مەديتسينالىق كومەك تۋرالى كونفەرەنسياعا 100 ەلدەن دەلەگاتسيا كەلەدى

None
الماتى. قازاقپارات - الماتىدا ەل تاريحىندا تۇڭعىش رەت قازاقستاننىڭ توراعالىعىمەن د د ۇ ەۋروپالىق وڭىرلىك كوميتەتىنىڭ وتىرىسى ءوتتى، دەپ حابارلايدى قازاقپارات ءتىلشىسى.

كەزدەسۋگە دەنساۋلىق ساقتاۋ ءمينيسترى اجار عينيات، د د ۇ ەۋروپالىق وڭىرلىك بيۋروسىنىڭ ديرەكتورى حانس كليۋگە، ەۋروپالىق ءوڭىردىڭ 12 ەلىنەن كەلگەن تۇراقتى كوميتەتتىڭ مۇشەلەرى، د د ۇ ساراپشىلارى قاتىستى.

وڭىرلىك كوميتەتتىڭ تۇراقتى كوميتەتى (وك ت ك) - وڭىرلىك ديرەكتورعا كەڭەس بەرەتىن، ەۋرود د ۇ قىزمەتىنىڭ ارى قارايعى دامۋ ساياساتى مەن نەگىزگى باعىتتارىن ايقىندايتىن ەۋروپا ءوڭىرى دەڭگەيىندەگى د د ۇ- نىڭ باسقارۋشى ورگاندارىنىڭ ءبىرى.

دەنساۋلىق ساقتاۋ ءمينيسترى اجار عينيات ءوز سوزىندە قازاقستاندا دۇنيەجۇزىلىك ۇيىمنىڭ ەۋروپا وڭىرلىك كوميتەتىنىڭ تۇراقتى كوميتەتىنىڭ وتىرىسى العاش رەت ءوتىپ جاتقانىن اتاپ ءوتتى.

«بۇل كوميتەت ەۋروپالىق دەڭگەيدە دەنساۋلىق ساقتاۋدىڭ ماڭىزدى باعىتتارىن، وزەكتى ماسەلەلەرى مەن الداعى ماقساتتارىن تالقىلايدى. مەديتسينا سالاسىنداعى الەمدىك ساراپشىلار ەكى كۇن بويى ءبىزدىڭ ەلىمىزدە دەنساۋلىق ساقتاۋ سالاسىن ارى قارايعى دامىتۋ جولدارىن ءسوز ەتەدى. د د ۇ ەۋروپالىق وڭىرلىك بيۋروسىنىڭ، دەنساۋلىق ساقتاۋ سالاسىنداعى ماماندار مەن ساراپشىلاردىڭ ءبىزدىڭ ەلگە كەلۋى - ۇلكەن جەتىستىك»، - دەدى مينيستر.

قازاقستان 2020 -جىلدان باستاپ ەۋروپالىق وڭىرلىك تۇراقتى كوميتەتتىڭ مۇشەسى بولىپ تابىلادى.

سودان بەرى كوميتەت جۇمىسىنا بەلسەندى قاتىسىپ كەلەدى. وتكەن جىلدىڭ قىركۇيەك ايىنان باستاپ قازاقستان - وڭىرلىك كوميتەتتىڭ تۇراقتى كوميتەتىنىڭ ءتوراعاسى.

بۇل ەلىمىز ءۇشىن ۇلكەن مارتەبە بولىپ تابىلادى جانە قازاقستان مەن د د ۇ اراسىنداعى ىنتىماقتاستىقتىڭ جوعارى دەڭگەيىن كورسەتەدى.

اجار عينيات بيىل استانادا 23-قازاندا مەديتسينالىق- سانيتاريالىق العاشقى كومەك بويىنشا الماتى دەكلاراتسياسىنىڭ قابىلدانعانىنا 45 جىل، استانا دەكلاراتسياسىنىڭ قابىلدانعانىنا بەس جىل تولۋىنا وراي حالىقارالىق كونفەرەنسيا وتەتىنىن اتاپ ءوتتى. كونفەرەنسياعا 100 دەن استام ەلدىڭ، حالىقارالىق ۇيىمداردىڭ وكىلدەرى، دەنساۋلىق ساقتاۋ سالاسىنىڭ ماماندار وفلاين جانە ونلاين رەجيمىندە قاتىسادى.

بۇدان بولەك، 24-26-قازاندا استانادا د د ۇ ەۋروپالىق وڭىرلىك كوميتەتىنىڭ 73 سەسسياسى وتەدى.

وعان جاھاندىق دەنساۋلىق ساقتاۋدىڭ وزەكتى ماسەلەلەرىن، ونىڭ ىشىندە دەنساۋلىق ساقتاۋ قىزمەتىمەن جالپى قامتاماسىز ەتۋ، توتەنشە جاعداي كەزىندە قورعاۋ، دەنساۋلىق پەن ءال-اۋقات دەڭگەيىن ارتتىرۋ، سونداي-اق، د د ۇ- نىڭ ءار ەلدى قولداۋدىڭ تيىمدىلىگىن ارتتىرۋ ماقساتىندا د د ۇ ەۋروپالىق وڭىرىنە مۇشە 53 مەملەكەتتىڭ وكىلدەرى قاتىسادى.

«دەنساۋلىق ساقتاۋ سالاسىنداعى بۇل ءىس-شارالار بۇكىل الەمگە تانىلىپ قانا قويماي، ساياسي جاعىنان دا، قازاقستاننىڭ ءيميدجىن ارتتىرۋ جاعىنان دا ۇلكەن جەتىستىك بولادى»، - دەدى اجار عينيات.

ءوز كەزەگىندە د د ۇ ەۋروپالىق وڭىرلىك بيۋروسىنىڭ باسشىسى حانس كليۋگە ماڭىزدى ءىس- شارالاردىڭ نەلىكتەن قازاقستاندا وتەتىنىنە توقتالدى.

«قازاقستان 1978 -جىلدان بەرى العاشقى مەديتسينالىق- سانيتارلىق كومەكتىڭ وتانى سانالادى. قازاقستاندا مەملەكەت باسشىسىنىڭ، ۇكىمەت جانە دەنساۋلىق ساقتاۋ مينيسترلىگىنىڭ قولداۋىمەن رەفورمالار جۇزەگە اسىپ جاتىر. بۇل ەل م س ا ك سالاسىندا كوشباسشى سانالادى. سوندىقتان بۇل ەلدەن كوپ نارسە ۇيرەنۋگە بولادى. مىسالى، قازاقستان مەديتسينا جانە الەۋمەتتىك قىزمەتكەرلەردىڭ، پسيحولوگتاردىڭ جۇمىسىن م س ا ك- قا بىرىكتىرگەن العاشقى ەل بولدى. بۇل ساپالى قىزمەتتەردى كورسەتۋگە مۇمكىندىك بەرەدى»، - دەدى حانس كليۋگە.

ەسكە سالايىق، بۇعان دەيىن دەنساۋلىق ساقتاۋ ءمينيسترى اجار عينيات مەديتسينالىق-سانيتاريالىق العاشقى كومەك سەكتورىنداعى پروبلەمالاردى ايتقان ەدى.

سوڭعى جاڭالىقتار