يراندا وقۋشى قىزدىڭ ۋلانۋىنا بايلانىستى 100 ادام تۇتقىندالدى

None
تەگەران. يرنا- قازاقپارات - يراندا جۇزدەگەن وقۋشى قىز بەلگىسىز زاتتان ۋلاندى. سەنبى كۇنى ەلدىڭ ىشكى ىستەر ءمينيسترى وسى ىسكە قاتىستى ادامداردىڭ ۇستالعانىن مالىمدەدى، دەپ حابارلايدى قازاقپارات ي ر ن ا اگەنتتىگىنە سىلتەمە جاساپ.

سوڭعى ايدا جۇزدەن استام وقۋشى قىز بەلگىسىز زاتتان ۋلانىپ اۋرۋحاناعا تۇسكەن. ولاردىڭ كوبى جۇرەك اينىپ، جۇرەك سوعىسى جيىلەپ كەتكەنىن ايتىپ شاعىمدانعان. كەيبىرى باسى شاعىپ اۋىرعانىن ايتقان.

يراننىڭ رەسمي تۇلعالارىنىڭ ايتۋىنشا، ءالسىز ۋمەن وقۋشى قىزداردى ۋلاۋ قاستاندىعى جاسلاعانعا ۇقسايدى. سەبەبى، ءتارتىپ ساقشىلارى كۇدىك تۋدىراتىن زاتتاردى تاۋىپ العان.

«تەرگەۋ جۇمىستارى كەزىندە ءبىز كۇدىك تۋدىراتىن زاتتاردى تاۋىپ الدىق. ولاردى زەرتتەپ جاتىرمىز. جاقىن ارادا زەرتتەۋ ناتيجەسى جاريالاناتىن بولادى»، دەپ حابارلادى مينيستر ابدولرەزا راحماني فازلي.

بارلاۋ مينيسترلىگى وتكەن سارسەنبىدە ەلدەگى كەيبىر مەكتەپتەردە وقۋشى قىزداردى ۋلاۋ قاستاندىعى جاسالعانى جايلى بايانداما جاريالاعان ەدى. العاشقى دەرەك كۋم قالاسىندا تىركەلگەن ساتتەن باستاپ قاۋىپسىزدىك قىزمەتكەرلەرى ءتيىستى تەرگەۋدى باستاپ كەتكەن.

قازىرگى ساتتە 100 ادام كۇدىكتى رەتىندە ۇستالعان. ولاردىڭ ماقساتى ەلدە ۇرەي تۋعىزىپ، يرانعا قاتىستى سكەپتيتسيزم قالىپتاستىرۋ بولعان.

اۆتور

ەربول جانات

سوڭعى جاڭالىقتار