اۆتوكولىكتەردىڭ جالعان ترانزيتىنەن مەملەكەتكە 100 ميلليون تەڭگەگە جۋىق زالال كەلگەن
بۇل تۋرالى قازاقپارات مەملەكەتتىك كىرىستەر كوميتەتىنە سىلتەمە جاساپ حابارلايدى.
ماڭعىستاۋ وبلىسى بويىنشا مەملەكەتتىك كىرىستەر دەپارتامەنتىندە اۆتوكولىك قۇرالدارىنىڭ جالعان ترانزيت سحەمالارى انىقتالعان بولاتىن. بۇل رەتتە مەملەكەتكە كەلتىرىلگەن زالالدىڭ الدىن الا سوماسى 98,8 ميلليون تەڭگەدەن استام. ءتيىستى شارالاردى جۇرگىزۋ ءۇشىن ءىس ماڭعىستاۋ وبلىسىنىڭ ەكونوميكالىق تەرگەپ-تەكسەرۋ دەپارتامەنتىنە بەرىلدى. كۇدىكتىلەردىڭ كىناسىنىڭ دارەجەسىن ايقىنداي وتىرىپ، تۇپكىلىكتى شەشىم تەرگەۋ ناتيجەلەرى بويىنشا قابىلدانادى.
سونداي-اق، 2019-2022-جىلدار كەزەڭىندە قازاقستانعا ماڭعىستاۋ وبلىسىنىڭ كەدەندىك وتكىزۋ پۋنكتىلەرى ارقىلى «ۋاقىتشا اكەلۋ» ءراسىمى بويىنشا ون مىڭنان استام اۆتوكولىك قۇرالدارى اكەلىنگەن. ونىڭ ىشىندە 9800 اۆتوكولىكتە مەرزىم وتكەندىگى جانە ولاردى ە ا ە و- دان كەرى اكەتۋ مىندەتى جۇزەگە اسىرىلماعاندىعى انىقتالدى. مەملەكەتكە تولەنبەگەن كەدەندىك تولەمدەر مەن سالىقتار - 10 ميلليارد تەڭگەدەن ارتىق.
كوميتەتتىڭ باسپا ءسوز قىزمەتىنەن ءمالىم ەتكەندەي، وسى فاكتىلەر بويىنشا پوليتسيا ورگاندارىمەن ءتيىستى بىرلەسكەن جۇمىستار، ە ا ە و كەدەن ورگاندارىمەن اقپارات الماسۋ پروتسەسى جۇرگىزىلىپ جاتىر.