ءبىرقاتار داقىلداردىڭ تۇقىمى 100 پايىز شەتەلدەن كەلەدى - اقىلبەك كۇرىشبايەۆ
تابيعي- كليماتتىق جاعدايى بىردەي ەلدەرگە قاراعاندا قازاقستاندا اۋىل شارۋاشىلىعى داقىلدارىنىڭ ونىمدىلىگى الدەقايدا تومەن. سەناتور ونىمدىلىگى جوعارى جانە قۇرعاقشىلىققا ءتوزىمدى سورتتار مەن بۋدانداردىڭ ەلىمىزدەگى جەتىسپەۋشىلىگى - ونىڭ باستى سەبەبى دەپ سانايدى.
قازاق ەگىنشىلىك جانە وسىمدىك شارۋاشىلىعى عىلىمي- زەرتتەۋ ينستيتۋتىندا وتكەن كەزدەسۋ بارىسىندا وتاندىق جانە شەتەلدىك جەتەكشى عالىمدار ەلىمىزدە سەلەكتسيا مەن تۇقىم شارۋاشىلىعىن جەدەل دامىتۋ ءۇشىن قانداي شارالار قولدانۋ كەرەكتىگىن تالقىلادى.
اقىلبەك كۇرىشبايەۆتىڭ ايتۋىنشا، قازىرگى ۋاقىتتا سورتتىق تۇقىمداردىڭ % 60، ال ءبىرقاتار اۋىل شارۋاشىلىعى داقىلدارىنىڭ % 100 قازاقستانعا شەتەلدەن، كوبىنە رەسەي فەدەراتسياسىنان اكەلىنەدى.
وسىلايشا، دەپۋتات ەلدە ازىق- تۇلىك قاۋىپسىزدىگىنىڭ نەگىزى بۇزىلدى دەپ سانايدى.
«سانكسيالىق تەكەتىرەستىڭ قازىرگى جاعدايىندا ءبىزدىڭ ارىپتەستەرىمىز سۇرىپتىق تۇقىم ەكسپورتىن توقتاتاتىن بولسا، وندا قازاقستاننىڭ اۋىل شارۋاشىلىعى ساپالى تۇقىم ماتەريالىنسىز قالۋى مۇمكىن»، - دەدى سەناتور.
ساراپشىلار شەتەلدىك ۇزدىك سەلەكسيالىق جاڭالىقتاردى ترانسفەرتتەۋ جانە بەيىمدەۋگە بايلانىستى ەلىمىزدىڭ سولتۇستىگىندە - بارايەۆ اتىنداعى استىق شارۋاشىلىعىنىڭ ع ءو و بازاسىندا جانە وڭتۇستىگىندە - قازاق ەگىنشىلىك جانە وسىمدىك شارۋاشىلىعى عىلىمي- زەرتتەۋ ينستيتۋتىنىڭ بازاسىندا قازىرگى زامانعى جانە مولەكۋليارلىق بيولوگيا ادىستەرى نەگىزىندە وتاندىق سورتتار مەن بۋدان شىعاراتىن ەكى سەلەكسيالىق ورتالىقتى جەدەل تۇردە قۇرۋدى ۇسىندى.
«وتاندىق تۇقىم شارۋاشىلىعىندا قالىپتاسقان جاعدايدان شىعۋدىڭ جالعىز جولى - قازىرگى زامانعى سەلەكسيالىق ورتالىق قۇرۋ بولىپ وتىر. جوعارى ءونىمدى جانە قۇرعاقشىلىققا ءتوزىمدى، جەرگىلىكتى اۋا- رايىنا بەيىمدەلگەن ءوزىمىزدىڭ سورتتارىمەن ءبىز اۋىلشارۋاشىلىعى وندىرىسىندەگى تۇراقتىلىق پەن ونىمدىلىكتى ارتتىرۋدا ايتارلىقتاي سەرپىلىس جاساي الامىز. وتاندىق عالىمدار شەتەلدىك ارىپتەستەرمەن بىرلەسە وتىرىپ، ۇكىمەت تاراپىنان ءتيىستى مەملەكەتتىك قولداۋدى تالاپ ەتەتىن سەلەكسيالىق ورتالىقتار قۇرۋ باعدارلاماسىن ازىرلەۋگە دايىن»، - دەپ اتاپ ءوتتى اقىلبەك كۇرىشبايەۆ.