تۇركيا قازاعى، قوعام قايراتكەرى دالەلحان جانالتايدىڭ تۋعانىنا 100 جىل تولدى

استانا. قازاقپارات - «وتانداستار قورى» پرەزيدەنت رحيۆاىمەن بىرلەسىپ «ارحيۆ جانە قوعام. تاۋەلسىز قازاقستان تۇلعالارى: دالەلحان جانالتاي» تاقىرىبىندا دوڭگەلەك ۇستەل مەن تاريحي- قۇجات كورمەسىن ۇيىمداستىردى. شارا ۇلتتىق اكادەميالىق كىتاپحانادا ءوتتى، دەپ حابارلايدى قازاقپارات.

جيىن شەتەلدەگى قازاق دياسپوراسىنىڭ كورنەكتى وكىلى، قوعامدىق- ساياسي قايراتكەر دالەلحان جانالتايدىڭ (1922-2012) دۇنيەگە كەلگەنىنە 100 جىل تولۋىنا ارنالعان.

كورمەدە ۇسىنىلعان ارحيۆ قۇجاتتارى پرەزيدەنت ارحيۆىندەگى د. جانالتايدىڭ جەكە قورىندا ساقتاۋلى.

دالەلحان جانالتاي 1922 -جىلى 15 ماۋسىمدا التاي اۋدانى (قازىرگى قىتاي حالىق رەسپۋبليكاسى، شىڭجان- ۇيعىر اۆتونوميالى اۋدانى) التاي ايماعىنداعى ورمەگەيتى جايلاۋىندا دۇنيەگە كەلگەن.

دىني مەدرەسەنى ءبىتىرىپ، 1937 -جىلى اكەسىمەن بىرگە قاجىلىق پارىزىن وتەگەن.

1940 -جىلدان باستاپ قوعامدىق قىزمەتكە كىرىسكەن. 60-جىلدارى تۇركياعا قونىس اۋدارعان.

دالەلحان جانالتاي «قيلى زامان، قيىن كۇندەر» رومانىنىڭ اۆتورى.

ول وقۋ- اعارتۋ جۇمىستارىمەن قاتار، قازاقتاردىڭ، قىرعىزدار مەن ۇيعىرلاردىڭ قۇقىعىن قورعاۋمەن اينالىسقان.

دالەلحان جانالتاي كوپ ءتىل مەڭگەرگەن، انا ءتىلى قازاقشامەن قاتار اراب، قىتاي، ورىس، اعىلشىن، ۋردۋ جانە تۇركى تىلدەرىن ەركىن بىلگەن.

دوڭگەلەك ۇستەلگە شەتەلدەگى قازاق دياسپوراسىنىڭ كورنەكتى قايراتكەرلەرى، قازاقستانعا ورالعان قانداستار، مەملەكەتتىك جانە قوعام قايراتكەرلەرى، جوعارى وقۋ ورىندارىنىڭ پروفەسسورلىق- وقىتۋشى قۇرامى مەن ستۋدەنتتەرى، بۇقارالىق اقپارات قۇرالدارىنىڭ وكىلدەرى، دالەلحان جانىمحان ۇلى جانالتايدىڭ تۋىستارى قاتىستى.

رەداكتور

جانات قاپالبايەۆا