الماتى بازارىنان 100 ميلليون تەڭگەنىڭ التىن بۇيىمدارى ۇرلاندى
16 تامىز 18:40

الماتى بازارىنان 100 ميلليون تەڭگەنىڭ التىن بۇيىمدارى ۇرلاندى

نۇر-سۇلتان. قازاقپارات - الماتىدا 100 ميلليون تەڭگەنىڭ ۇرلانعان التىن بۇيىمدارى تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.

جەتىسۋ اۋداندىق پوليتسيا باسقارماسىنىڭ مالىمەتىنشە، قالاداعى بازارلاردىڭ بىرىندە زەرگەرلىك بۇيىمداردىڭ ءىرى ۇرلىعى جاسالعان.

«ق ر ق ك- ءنىڭ 188-بابى 4-بولىگى (ۇرلىق) بويىنشا تەرگەلىپ جاتقان قىلمىستىق ءىس ماتەريالدارىنا سايكەس، قاسكوي تۇندە التىن ساتاتىن قاتارعا كىرىپ، 8 ساۋدا ورنىنىڭ شىنى سورەلەرىن سىندىرعان. سولاي جالپى سوماسى 100 ميلليون تەڭگەنىڭ زەرگەرلىك بۇيىمدارىن الىپ كەتكەن.

بۇل قىلمىستى اشۋ ماقساتىندا تەرگەۋ-جەدەل توبى قۇرىلدى. بازارداعى بەينەباقىلاۋ جۇيەلەرىنە تالداۋ جاسالدى. كۇدىكتىنىڭ جەكە باسى بىردەن انىقتالدى. بۇل - 35 جاستاعى ا. ەسىمدى ازامات. ول قونايەۆ قالاسىنداعى قوناقۇيلەردىڭ بىرىندە ۇستالدى. كۇدىكتى سول جەردە ۋاقىتتى وتكىزۋدى جوسپارلاعان كورىنەدى»، - دەدى جەتىسۋ اۋداندىق پوليتسيا باسقارماسىنىڭ باستىعى دارحان مۇسانوۆ.

ول ۇرلانعان التىن بۇيىمداردى قالا شەتىندەگى يەن دالاعا جاسىرعان. زاتتاي ايعاقتار تاركىلەندى. ق ر ق پ ك- ءنىڭ 128-بابىنا سايكەس كۇدىكتى ۋاقىتشا ۇستاۋ يزولياتورىنا قامالدى. بۇلتارتپاۋ شاراسى رەتىندە «قاماۋعا الۋ» سانكتسيالاندى.


جاڭالىقتار