تالعات بيگەلدينوۆتىڭ تۋعانىنا 100 جىل: ەلوردادا باتىردى ەسكە الۋ شاراسى ءوتتى
وسى مەرەيلى كۇنگە وراي ەلورداداعى تالعات بيگەلدينوۆتىڭ ەسكەرتكىشىنە گۇل شوقتارىن قويۋ سالتاناتتى شاراسى ءوتتى، دەپ حابارلايدى ازاماتتىق اۆياتسيا كوميتەتىنىڭ باسپا ءسوز قىزمەتى.
ءىس-شاراعا ق ر قورعانىس ءمينيسترى رۋسلان جاقسىلىقوۆ، نۇر-سۇلتان قالاسىنىڭ اكىمى التاي كولگىنوۆ، ق ر تۇڭعىش عارىشكەرى جانە كەڭەس وداعىنىڭ باتىرى توقتار اۋباكىروۆ، ق ر قارۋلى كۇشتەرىنىڭ ارداگەرلەرى جانە ازاماتتىق اۆياتسيا كوميتەتىنىڭ ءتوراعاسى تالعات لاستايەۆ قاتىستى.
اتى اڭىزعا اينالعان ۇشقىش جاۋدىڭ بەكىنىستەرىن، اەرودرومدارىن، تەمىرجول توراپتارىن، وزەن وتكەلدەرىن، جاۋدىڭ اسكەرلەرى مەن تەحنيكالارىن بارلاۋ جانە جويۋ ءۇشىن 305 رەت جاۋىنگەرلىك شابۋىل جاساعان.
تالعات جاقىپبەك ۇلى بيگەلدينوۆ ەكى مارتە كەڭەس وداعىنىڭ باتىرى جوعارى اتاعىنا يە بولعان 65 اسكەري ۇشقىشتىڭ ءبىرى.
وتان سوعىسىنداعى ەرلىككە تولى جاۋىنگەرلىك جولىن تالعات بيگەلدينوۆ 1945-جىلى 24- ماۋسىمداعى جەڭىس پارادىنا قاتىسۋىمەن اياقتادى.
1950-جىلى تالعات جاقىپبەك ۇلى اسكەري-اۋە اكادەمياسىن ءبىتىرىپ، 1956-جىلعا دەيىن اۆياتسيالىق پولك كومانديرىنىڭ ورىنباسارى جانە شتاب باستىعى لاۋازىمىندا ك س ر و قارۋلى كۇشتەرى قاتارىندا قىزمەت اتقاردى.
تالعات بيگەلدينوۆتىڭ ەرلىكتەرى قازاقستاندىقتاردىڭ كوپتەگەن ۇرپاقتارىن ءوز ومىرلەرىن اسكەري جانە ازاماتتىق اۆياتسيامەن بايلانىستىرۋعا ىنتالاندىردى.