USD 429.57 EUR 447.35
RUB 6.94 CNY 63.23
جاڭالىقتار

ەلوردادا وتكەن جىلى 100 دەن استام اۆتوكولىك ۇرلاندى

27 قاڭتار 13:42
:ءبولىسۋ
ەلوردادا وتكەن جىلى 100 دەن استام اۆتوكولىك ۇرلاندى

نۇر- سۇلتان. قازاقپارات - وتكەن جىلى نۇر- سۇلتان قالاسىندا 113 اۆتوكولىك ۇرلاندى. ال بيىل جىل باستالعالى 900 قىلمىس جاسالدى، ونىڭ 320 ى ۇرلىق.

بۇل تۋرالى نۇر- سۇلتان قالاسى پوليتسيا دەپارتامەنتى كريمينالدىق پوليتسيا باسقارماسىنىڭ ءبولىم باسشىسى دياس قادىروۆ ءمالىم ەتتى، دەپ حابارلايدى قازاقپارات ءتىلشىسى.

«ۇرلىق جاساۋ جالپى قىلمىستىڭ ۇشتەن ءبىرىن قۇرايدى. وتكەن جىلى ەلوردادا شامامەن 15 مىڭ قىلمىس بولدى. ونىڭ 5-ى ۇرلىق جاساۋ قىلمىسىمەن بايلانىستى. ياعني وزگەنىڭ مۇلكىن قولدى ەتۋ. 2022 - جىل باستالعالى 26 كۇننىڭ ىشىندە ەلوردا اۋماعىندا 900 قىلمىس جاسالدى. ونىڭ ىشىندە 320 ۇرلىق جاساۋ. تاعى ءبىر ايتىپ وتەتىن جايت، ۇرلىق قىلمىسى ءىشىنارا بولىنەدى. سونىڭ ىشىندە ەڭ ءجيى بولاتىنى پاتەر توناۋ، ۇيالى تەلەفون ۇرلاۋ جانە كولىك ۇرلاۋ مەن ونى توناۋ. قىستىگۇنى كوبىنەسە جەڭىل كولىكتىڭ اككۋملياتورى مەن دوڭگەلەگىن قولدى ەتەدى. كوپ جاعدايدا يەلەرى كولىكتى قاراۋسىز ءۇي اۋلاسىندا، كوشە بويىندا قالدىرىپ كەتەدى. قار باسىپ، جۇرمەي تۇرعان اۆتوكولىكتى ۇرلىقشى نازارىنا الادى»، - دەدى دياس قادىروۆ پوليتسيا دەپارتامەنتىندە وتكەن باسپا ءسوز ءماسليحاتىندا.

پوليتسيا دەپارتامەنتىنىڭ وكىلى ۇسىنعان ستاتيستيكاعا سۇيەنسەك، وتكەن جىلى ەلوردادا 113 كولىك ۇرلاندى.

«ۇرلانعان اۆتوكولىكتەردىڭ ماركاسى ءارتۇرلى. شۇعىل ىزدەۋ شاراسىنىڭ ارقاسىندا 113 كولىك ۇرلاۋ ءىسىنىڭ 110-ى ءىزى سۋىماي اشىلىپ، كولىك يەلەرىنە قايتارىلدى. سونداي- اق، وتكەن جىلى جەدەل پروفيلاكتيكالىق شارا اياسىندا رەسەيدەن ۇرلانعان 12 اۆتوكولىك انىقتالدى. ولاردىڭ اراسىندا 2015، 2017 -جىلى قولدى بولعان كولىكتەر دە بار»، - دەيدى ول.

اۆتور: ءالي يبرايەۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات