روزا باعلانوۆانىڭ 100 جىلدىق مەرەيتويىنا كوللەكتسيالىق مونەتا اينالىمعا شىعادى

نۇر- سۇلتان. قازاقپارات - قازاقستان ۇلتتىق بانكى ROZA BAǴLANOVA. 100 JYL كوللەكتسيالىق مونەتاسىن اينالىمعا شىعارادى، دەپ حابارلايدى قازاقپارات.

مونەتانىڭ ساتىلىمعا شىعاتىن كۇنىنە قاتىستى اقپارات قۇب سايتىندا قوسىمشا جاريالانادى. نومينالى 100 تەڭگەلىك مەلحيوردان سوعىلعان مونەتا «ەستە قالاتىن وقيعالار مەن ءبىرتۋار ادامدار» سەرياسىن جالعاستىرادى.

ك س ر و حالىق ءارتيسى، قازاقستاننىڭ حالىق قاھارمانى، كەڭەستىڭ جانە قازاقتىڭ وپەرا جانە ەسترادا ءانشىسى روزا باعلانوۆانىڭ تۋعانىنا 2022 -جىلى 100 جىل تولادى. مونەتا بەتىنىڭ (اۆەرسىنىڭ) ورتالىق بولىگىندە قازاقستاننىڭ مەملەكەتتىك ەلتاڭباسى بەينەلەنگەن.

ەلتاڭبانىڭ وڭ جاعى مەن سول جاعىندا ويۋ- ورنەك ەلەمەنتتەرى ورنالاسقان. مونەتانى اينالدىرا QAZAQSTAN ULTTYQ BANKI • NATIONAL BANK OF KAZAKHSTAN دەگەن جازۋ جازىلعان. تومەنگى بولىگىنەن مونەتانىڭ نومينالىن بىلدىرەتىن 100 TEŃGE جازۋىن كورۋگە بولادى. مونەتانىڭ ەكىنشى بەتىندە (رەۆەرسىندە) روزا باعلانوۆانىڭ سۋرەتى، پورترەتتىڭ سول جاعىندا مەرەيتويلىق داتانى بىلدىرەتىن 100 JYL دەگەن جازۋ بار.

مونەتانى اينالدىرا «اح، سامارا- گورودوك» ءانىنىڭ نوتالارى، ROZA BAǴLANOVA، مونەتانىڭ شىققان جىلىن بىلدىرەتىن «2022» دەگەن جازۋلار بار. سۋرەتتى ۇلكەيتۋ كوللەكتسيالىق مونەتا م ن25 مەلحيور قۇيماسىنان، 15 گرام سالماقتا، 33 م م ديامەترمەن، brilliant uncirculated ساپادا، 100 تەڭگەلىك نومينالمەن 15000 دانا بولىپ شىقتى.

مونەتا كوللەكسيالىق قۇنى بويىنشا ساتۋعا ارنالعان. ولار قازاقستان رەسپۋبليكاسىنىڭ اۋماعىندا بارلىق تولەم ءتۇرى بويىنشا نومينالدى قۇنىنا ساي قابىلدانادى، سونداي- اق مونەتالاردى بانك شوتتارىنا سالىپ، اۋدارىم جاساۋعا، قازاقستان رەسپۋبليكاسىنىڭ بارلىق بانكىندە ايىرباستاپ، ۇساقتاۋعا بولادى. كوللەكسيالىق مونەتا قازاقستاننىڭ تەڭگە سارايىندا جاسالعان.