USD 424.84 EUR 453.6
RUB 7.3 CNY 63.91
جاڭالىقتار

قازاقستاننىڭ سىرتقى ساۋدا اينالىمى 100 ميلليارد دوللارعا جەتتى

10 جەلتوقسان 14:56
:ءبولىسۋ
قازاقستاننىڭ سىرتقى ساۋدا اينالىمى 100 ميلليارد دوللارعا جەتتى

نۇر-سۇلتان. قازاقپارات - تاۋەلسىزدىك جىلدارىندا قازاقستاننىڭ سىرتقى ساۋدا اينالىمىنىڭ كولەمى 100 ميلليارد دوللارعا جەتتى.

بۇل تۋرالى ق ر پرەمەر-ءمينيسترىنىڭ ورىنباسارى ەرالى توعجانوۆ تاۋەلسىزدىكتىڭ 30 جىلدىعىنا ارنالعان عىلىمي- پراكتيكالىق كونفەرەنتسيادا ءمالىم ەتتى، دەپ حابارلايدى قازاقپارات ءتىلشىسى.

«ەلىمىزگە 400 ميلليارد دوللار شەتەل ينۆەستيسياسى تارتىلدى. مويىنداۋ كەرەك، بۇل جەتىستىكتىڭ نەگىزىندە، ءبىرىنشى كەزەكتە، مەملەكەت باسشىلىعىنىڭ تۇراقتىلىقتىڭ كەپىلى رەتىندەگى تۇلعاسىنا دەگەن جوعارى سەنىم جاتىر»، - دەدى ۇكىمەت باسشىسىنىڭ ورىنباسارى.

ونىڭ پايىمىنشا، قازاقستاننىڭ ت م د ەلدەرىنىڭ ىشىندە تارتىلعان ينۆەستيسيانىڭ بويىنشا جەتەكشى ورىندا تۇرۋى - زاڭدىلىق.

«2002 -جىلى قازاقستان بۇرىنعى كەڭەستىك رەسپۋبليكالاردىڭ ىشىندە ءبىرىنشى بولىپ جەتەكشى حالىقارالىق رەيتينگ اگەنتتىكتەرى تاراپىنان ينۆەستيسيالىق تارتىمدى ەل دەپ تانىلدى. بيىل بۇكىل رەيتينگ اگەنتتىكتەرى ينۆەستيسيالىق رەيتينگ بويىنشا بەرگەن باعالارىن راستادى. ءتىپتى كوپتەگەن كورسەتكىشتەردى قازاقستان ۇكىمەتىنىڭ ءرولى مەن جالپى ەل ەكونوميكاسىنىڭ تۇراقتىلىعىن، سونداي-اق، قارجىلىق سالانىڭ ورنىقتىلىعىن اتاي وتىرىپ كوتەردى. بۇل ۇلت كوشباسشىسى نۇسقاعان «100 ناقتى قادام» اياسىنداعى ينستيتۋتسيونالدىق رەفورمالاردى ءتيىمدى ەنگىزۋدىڭ ارقاسىندا بولدى»، - دەگەن ەرالى توعجانوۆ Astana حالىقارالىق قارجى ورتالىعىنىڭ بۇگىنگە رولىنە توقتالدى.

«2018 -جىلى Astana حالىقارالىق قارجى ورتالىعى قۇرىلدى. ول قازىر شەتەل ينۆەستيسيانىڭ تارتۋ مەن حالىقارالىق دەڭگەيدە قارجىلىق قىزمەت كورسەتۋدىڭ حابىنا اينالدى. بۇگىن قازاقستاننىڭ سىرتقى ساۋدا اينالىمىنىڭ كولەمى 100 ميلليارد دوللار بولىپ وتىر. بۇل ەلدىڭ حالىقارالىق رەزەرۆىن ۇلعايتتى»، - دەدى ۆيتسە-پرەمەر.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات