USD 436.29 EUR 492.83
RUB 5.92 CNY 68.48
جاڭالىقتار

قىزىلوردادا 100 كىتاپ بۇرىشى اشىلدى

28 قازان 08:43
:ءبولىسۋ
قىزىلوردادا 100 كىتاپ بۇرىشى اشىلدى

قىزىلوردا. قازاقپارات - قىزىلوردادا جاستار رەسۋرستىق ورتالىعىندا ەلىمىزدە «رۋحاني جاڭعىرۋ» باعدارلاماسى اياسىندا قازاق تىلىنە اۋدارىلعان 100 كىتاپ بۇرىشىنىڭ اشىلۋى ءوتتى، دەپ حابارلايدى قازاقپارات ءتىلشىسى.

وبلىستىق ىشكى ساياسات باسقارماسىنا قاراستى «جاستار رەسۋرستىق ورتالىعىندا» ەلىمىزدەگى «رۋحاني جاڭعىرۋ» باعدارلاماسى اياسىندا قازاق تىلىنە اۋدارىلعان 100 كىتاپ بۇرىشىنىڭ اشىلدى. ​ماقسات - عالامدىق مادەنيەت پەن وركەنيەتتەن حابار بەرەتىن، گۋمانيتارلىق ءبىلىمنىڭ بارلىق باعىتى بويىنشا الەمدەگى تاڭدامالى وقۋلىقتاردى قىزىلوردالىق جاستار اراسىندا ناسيحاتتاۋ. اتالعان شارا بارىسىندا ءا. تاجىبايەۆ اتىنداعى وبلىستىق كىتاپحانا قىزمەتكەرلەرى نازەركە نۇرلىبەك قىزى قازاق تىلىنە اۋدارىلعان 100 كىتاپتىڭ قاي سالاعا باسىمدىق بەرىلگەندىگى تۋرالى جان- جاقتى ماعلۇمات بەردى. ودان كەيىن اقىن، ق ر ونەر قايراتكەرى، قارماقشى اۋدانىنىڭ قۇرمەتتى ازاماتى سەرىك ىدىرىسوۆ ءسوز الىپ، تاقىرىپقا بايلانىستى وي- پىكىرىن ءبىلدىردى. وبلىستىق ىشكى ساياسات باسقارماسىنىڭ باسشىسى ميرا قازبەكوۆا ءاردايىم جاستار باستاماسىنا قولداۋ كورسەتىلىپ كەلە جاتقانىن اتاپ ءوتتى. بۇل شارا - سونىڭ ءبىر كورىنىسى.

«سىر ءوڭىرىنىڭ جاستارى، قالامىزدىڭ كەز- كەلگەن تۇرعىنى «جاستار ورتالىعىنا» كەلىپ، وسى تەڭدەسى جوق كىتاپتاردى وقىپ، تانىم كوكجيەگىن كەڭەيتە الادى. جاستاردىڭ كوتەرگەن باستاماسىنا وراي بەرگەن ۇسىنىسىمىزعا قولداۋ بىلدىرگەن «ۇلتتىق اۋدارما بيۋروسىنىڭ» قوعامدىق قورىنىڭ جەتەكشىسى راۋان كەنجەحان ۇلىنا العىسىمىزدى بىلدىرەمىز»، - دەدى باسقارما باسشىسى.

شارا سوڭىندا م. جومارت قىزى ءوز تاراپىنان «جاستار ورتالىعىنىڭ» كىتاپحاناسىنا جانە وقىرماندار كلۋبىنا ارنايى تارتۋ ەسەبىندە سىربويىلىق اۆتورلاردىڭ كىتاپتارىن جانە كلاسسيكالىق ادەبي اۋدارمالاردى سىيعا تارتتى. ەسكە سالساق، بۇدان بۇرىن قىزىلوردا وبلىسىندا جاپونيا ۇكىمەتىنىڭ باعدارلاماسى جۇزەگە اسىرىلۋدا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات