+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قۋعىن- سۇرگىن كورگەن 100 مىڭ قازاق قىرعىزستانعا قاشىپ بارعان - سابىر قاسىموۆ

20 قازان 18:56
:ءبولىسۋ
قۋعىن- سۇرگىن كورگەن 100 مىڭ قازاق قىرعىزستانعا قاشىپ بارعان - سابىر قاسىموۆ

وسكەمەن. قازاقپارات - ساياسي قۋعىن- سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا مۇشەسى سابىر قاسىموۆتىڭ ايتۋىنشا، 1916-1930 -جىلدارى زورلىق- زومبىلىق ساياسي ناۋقاندارى مەن اشارشىلىقتىڭ سالدارىنان قۇربان بولعاندار جايلى زەرتتەۋ جۇمىسىن كۇشەيتۋ قاجەت، دەپ حابارلايدى قازاقپارات ءتىلشىسى.

بۇل جايلى ول شىعىس قازاقستان وبلىسىنىڭ اكىمدىگى مەن ساياسي قۋعىن- سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيانىڭ جوبالىق كەڭسەسى وتكىزگەن رەسپۋبليكالىق سەميناردا ايتتى.

«ستاليندىك رەجيمنىڭ كەسىرىنەن حالقىمىز باستان كەشكەن بۇل زوبالاڭ ەش ۋاقىتتا ۇمىتىلمايدى. الايدا وسى تاقىرىپتا قازاقستان تاۋەلسىزدىك جىلدارىندا بىردە ءبىر ۇكىمەتتىك شەشىم قابىلداعان جوق. سول جىلدارى ميلليونداعان ادام ءوز جەرىنەن قاشۋعا ءماجبۇر بولدى. بۇگىن بۇل ماسەلەنى جان- جاقتى زەرتتەۋدى ءبىرىنشى رەت باستاپ وتىرمىز. پرەزيدەنت قاسىم- جومارت توقايەۆتىڭ «ساياسي قۋعىن- سۇرگىن قۇرباندارىن تولىق اقتاۋ تۋرالى» جارلىعىنا سايكەس، مەملەكەتتىك كوميسسيا جان- جاقتى زەرتتەۋ مەن وڭالتۋ بويىنشا ۇسىنىستار ەنگىزۋ ءۇشىن ارنايى توپ قۇردى. وسىنداي توپتار ايماقتىق كوميسسيالاردا دا قۇرىلدى»، - دەدى سابىر قاسىموۆ.

ونىڭ ايتۋىنشا، ساياسي قۋعىن- سۇرگىنگە ۇشىراعاندار ناقتى قانداي قيىندىق كورگەنىن، اشتىقتان، سۋىقتان جانە اۋرۋدان قانشا ادام كوز جۇمعانىن زەرتتەۋ جۇمىسىن كۇشەيتۋ قاجەت.

«سونداي- اق ەلدەن كەتىپ، قايتىپ ورالعاندارعا جەرگىلىكتى بيلىك پەن حالىقتىڭ كوزقاراسى قانداي بولعانى، قازاق بوسقىندارىن ولار قالاي قارسى العانى تۋرالى مۇقيات زەرتتەۋ جۇرگىزگەن ءجون. ارحيۆ قۇجاتتارىنان بەلگىلى بولعانداي، بوسقىندار نوۆوسىبىردە، ومبىدا، بارناۋلدا جانە رەسەيدىڭ باسقا قالالارىندا اشتىقتان ولمەۋ ءۇشىن كەز كەلگەن جۇمىس ىستەۋگە ءماجبۇر بولعان. ال قىرعىزستانعا 100 مىڭعا جۋىق قازاق كوشىپ باردى. ولار بۇرىنعى فرۋنزە، قازىرگى بىشكەك قالاسىندا قيىن جاعدايدا ءومىر ءسۇردى»، - دەدى ساياسي قۋعىن- سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيا مۇشەسى.

اۆتور: تالعاتجان مۇحامەتبەك ۇلى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات