قازاقستاندىقتار 100 شاقىرىم جۇگىرسە، ءبىر جارىم ميلليون ۇتىپ الادى
جارىسقا ەلىمىزدىڭ بارلىق وڭىرلەرىنىڭ تۇرعىندارى قاتىسا الادى. باستى تالاپ - 1- قازاننان 30 - قاراشاعا دەيىنگى ارالىقتا 100 ك م- دەن استام قاشىقتىقتى جۇيەلى تۇردە جۇگىرىپ شىعۋ.
قاتىسۋ ءۇشىن Strava قوسىمشاسىن جۇكتەپ، JGR. KZ نەمەسە JGRKZ. RUN سايتتارىندا تىركەۋدەن ءوتۋ قاجەت. تولىق اقپارات جوبانىڭ Instagram-داعى @jgr.kz رەسمي پاراقشاسىندا جاريالانعان.
جۇلدە قورى 1500000 استام تەڭگەنى قۇرايدى. ايتۋلى باستامانىڭ قورىتىندىسى 1- جەتوقسان كۇنى «حابار» تەلەارناسىنىڭ تىكەلەي ەفيرىندە جاريالانادى. جوبانىڭ ماقساتى - قازاقستاندىقتار اراسىندا جۇگىرۋ جانە سپورتپەن شۇعىلدانۋ ادەتىن قالىپتاستىرۋ.
جۇگىرۋ - سالاۋاتتى ءومىر سالتىنىڭ نەگىزى. ول يممۋندىق جۇيەنى نىعايتىپ، ادامعا جان- جاقتى وڭ اسەر ەتەتىندىگى دالەلدەنگەن. جوباعا قاتىسۋعا 1500 استام ادام نيەت بىلدىرگەن. قازىرگى ۋاقىتتا، مارافونشىلاردىڭ ءبىرقاتارى قاجەتتى قاشىقتىقتى جيناپ ۇلگەردى. الايدا قاتىسامىن دەۋشىلەر ءۇشىن تىركەۋ ءالى دە ءجۇرىپ جاتىر. مارافوننىڭ ۇيىمداستىرۋشىلارى كۇنىنە 3 ك م- دەن استام قاشىقتىقتى جۇگىرۋگە كەڭەس بەرەدى.
ايتا كەتەيىك، «حابار» اگەنتتىگى سالاۋاتتى ءومىر سالتىن بەلسەندى ناسيحاتتاۋدا. مەدياحولدينگ قىزمەتكەرلەرى ءار الۋان سپورتتىق ءىس- شارالارعا قاتىسىپ، سالاۋاتتى ءومىر سالتىن ۇستانۋ قاجەتتىلىگىن ۇلگى رەتىندە كورسەتىپ كەلەدى.
سيۋجەتتەرگە سىلتەمەلەر:
https://www.youtube.com/watch?v=R05I1a14-7M
https://www.youtube.com/watch?v=0cxDiM8GK5s
قوسىمشا اقپارات ءۇشىن مىنا مەكەنجايعا حابارلاسىڭىز:
[email protected] , 8 (7172) 757 553 www.khabar.kz| facebook.com/ KhabarTV | vk.com/ KhabarTV | twitter.com/KhabarTV | instagram.com.
www.24.kz