ەلوردادا كىشكەنتاي قىز بالا 100 دەن استام ماگنيتتى جۇتىپ قويعان
بالا قازىر ەمدەلىپ جاتىر، دەپ حابارلايدى قازاقپارات قالا اكىمدىگىنە سىلتەمە جاساپ.
اتا-انالار بالاسىن دامىتۋعا ارنالعان ويىنشىقتارمەن قۋانتامىن دەپ ءجۇرىپ، ونىڭ دەنساۋلىعىنا قانداي زيان كەلتىرگەنىن بىلمەي قالۋى دا مۇمكىن. بۇل ءبىر-بىرىنە جابىساتىن ماگنيت شار، تەكشە، مونشاق ءتارىزدى ويىنشىققا قاتىستى. بىلتىر №2-كوپبەيىندى قالالىق بالالار اۋرۋحاناسىنا وڭەش، اسقازان، اسقازان- ىشەك جولدارى (ا ءى ج) جانە برونحتارعا بوگدە زاتتار ءتۇسىپ كەتكەن 162 بالا كومەككە جۇگىنگەن.
«نەگىزىنەن تۇيمە، مونشاق، پۋلتتىڭ باتارەياسى سەكىلدى ءتۇرلى ۇساق زاتتى جۇتىپ قويعان 1 مەن 5 جاس ارالىعىنداعى بالالار كەلەدى. دارىگەرلەر الىپ تاستاعان بوگدە زاتتاردىڭ 17 پايىزى - ماگنيت. كوبىنەسە مۇنداي جاعداي بالا ويناپ جۇرگەندە، قاراۋسىز قالعاندا بولادى»، - دەيدى حيرۋرگ- دارىگەر سەرىكجان نۇرجانوۆ.
اۋرۋحانانىڭ مالىمەتىنشە، 56 بالانىڭ وڭەشىنەن وسىعان ۇقساس بوگدە زاتتار الىنعان، 80 بالانىڭ اسقازان مەن اسقازان- ىشەك جولىنان وسنىداي زاتتار تابىلدى، بوتەن زاتتار برونح جانە تىنىس جولىنا ءتۇسىپ كەتكەن 30 بالا تىركەلگەن.
«وتكەن اپتادا ماگنيتتى- رەزونانستى توموگرافيالىق (م ر ت) زەرتتەۋ ءۇشىن اۋرۋحاناعا تۇسكەن 7 جاسار قىزعا وپەراتسيا جاسالدى. بالانىڭ مۇرنىن تەكسەرۋ كەزىندە دارىگەرلەر بوتەن زاتتار مۇرىنىن (ماگنيتتەر) بىتەپ قالعانىن انىقتادى. وسىدان كەيىن بالا رەنتگەنگە تۇسۋگە جىبەرىلىپ، اسقازاندا ماگنيتتەردىڭ جينالعانى انىقتادى. ناتيجەسىندە ءبىز 100 دەن استام كىشكەنتاي ماگنيتتى الىپ تاستادىق. قازىرگى ۋاقىتتا بالانى تەكسەرۋ جانە تولىق ەمدەۋ جۇرگىزىلىپ جاتىر»، - دەدى اۋرۋحانانىڭ حيرۋرگيا بلوگىنىڭ جەتەكشىسى رينات بايگيرەيەۆ.
«ەگەر بالا ماگنيتتى جۇتىپ قويسا، ول وڭەشتە تۇرىپ قالادى، ال باسقا جاعدايدا اسقازانعا تۇسەدى. ودان ءارى بوگدە زاتتاردىڭ اسقازان- ىشەك جولدارىنا ءتۇسىپ كەتۋىنە اينالمالى بۇلشىق ەت كەدەرگى كەلتىرەدى. ەگەر ماگنيتتىڭ وتكىر، ۇشكىر تۇستارى بولسا، وڭەشتىڭ شىرىشتى قابىعىنا ءارتۇرلى دەڭگەيدە زاقىم كەلەدى، ءتىپتى ءتىلىپ كەتۋى مۇمكىن. اسىرەسە اۋىر زارداپتار بوتەن زاتتى بىردەن ەمەس، بىرنەشە كۇننەن كەيىن الىپ شىققان كەزدەر بولدى. قابىنۋ سالدارىنان ينفيلتراتسيا عانا ەمەس، تىندەردىڭ نەكروزىن تۋدىراتىن جارا پايدا بولادى»، - دەدى حيرۋرگ- دارىگەر سەرىكجان نۇرجانوۆ.
سونداي-اق، ول بوگدە زات دەنەدە نەعۇرلىم ۇزاق بولسا، بالا ءۇشىن سوعۇرلىم قاۋىپتى.
«ەگەر بالا ءبىر ماگنيتتى جۇتىپ قويسا، وندا ول نەگىزىنەن تابيعي تۇردە ءوزى شىعادى. ەگەر ولار دەنەدە ۇزاق ۋاقىت بولسا جاعداي قيىندايدى. ولار اسقازان- ىشەك جولدارىنىڭ ءارتۇرلى بولىكتەرىنە جابىسىپ قالادى. ال جابىسقان جەردە نەكروز پەرفوراتسياعا دەيىن داميدى جانە پەريتونيتكە ۇلاسادى. ەگەر تىنىس الۋ جولىندا بوگدە زات بولسا، وندا ول اتەلەكتازگە ۇلاسادى، سول جەردە پەرفوراتسيا، مەدياستينيت پايدا بولىپ، ىرىڭدەي باستايدى، ال ەگەر اسقازانعا نە ىشەككە تۇسسە دە پەرفوراتسيا مەن پەريتونيت تۋدىرادى»، - دەيدى مامان نۇرجانوۆ.
دارىگەرلەر اتا- انالارعا ساق بولۋى كەرەكتىگىن جانە مۇنداي جاعدايدا دەرەۋ مەديتسينالىق كومەككە جۇگىنۋ قاجەتتىگىن ەسكەرتەدى.