قىتايدىڭ كوممۋنيستىك پارتياسىنا 100 جىل تولدى

None
None
نۇر-سۇلتان.قازاقپارات - بيىل قازاقستان تاۋەلسىزدىگىنە 30 جىل. ال ىرگەمىزدەگى قىتاي مەملەكەتىنىڭ باسقارۋشى پارتياسىنىڭ قۇرىلعانىنا 100 جىل.

ساياسي ساراپشىلار شىعىستاعى كورشى ەلدىڭ ەكونوميكالىق دامۋىنىڭ سىرى - باسقارۋشى پارتيا مۇشەلەرىنىڭ ءبىر مۇددەگە بىرىگۋىندە دەيدى. قازاقستان، قىتاي، رەسەي، وزبەكستان مەملەكەتتەرىنىڭ ساراپشىلارى «قىتايدىڭ تاريحي عاجايىبى» اتتى حالىقارالىق دوڭگەلەك ۇستەلگە ونلاين قاتىسىپ، كورشى ەلدەگى كوشباسشى پارتيانىڭ جەتىستىكتەرىنە توقتالدى.

قىتاي حالىق رەسپۋبليكاسى الەمدىك ەكونوميكانىڭ درايۆەرى رەتىندە، حالىقارالىق دامۋ مەن ىنتىماقتاستىقتا نەگىزگى باسىمدىققا يە. مۇنداي جەتىستىك مەملەكەتتەگى باسقارۋشى پارتيامەن تىعىز بايلانىستى، دەيدى ساراپشىلار.

بولات نۇرعاليەۆ، ق ر س ءى م جانىنداعى «سىرتقى ساياسي زەرتتەۋلەر ينستيتۋتى» ا ق باسقارما باسشىسى:

- كوممۋنيستىك پارتيانىڭ باسشىلىعىمەن قىتاي ارتتا قالعان، اگرارلىق مەملەكەتتەن جوعارى تەحنولوگيالىق يننوۆاتسيالاردى دامىتۋ مەن ءوندىرۋدىڭ الەمدىك ورتالىعىنا اينالدى. باسقارۋشى پارتياداعى كوزقاراستار مەن كەلىسىمدەردىڭ ءبىر مۇددەگە توعىسۋى قىتايعا تاريحي قىسقا مەرزىمدە الەمدىك ەكونوميكالىق دامۋدىڭ اۆانگاردىنا ەنۋگە مۇمكىندىك بەردى.

ساراپشىلاردىڭ ايتۋىنشا، قىتايدىڭ ەكونوميكالىق جەتىستىكتەرى ونىمەن كورشى مەملەكەتتەردىڭ وسۋىنە دە مۇمكىندىك بەرەدى. بۇگىندە قازاقستان مەن قىتاي شانحاي ۇيىمى اياسىندا جەمىستى ىنتىماقتاستىقتا، جىبەك جولى داستۇرلەرىن قايتا جاڭعىرتىپ، وركەندەۋگە، تۇراقتىلىققا جانە ەۋرازيادا جاڭا گەوەكونوميكانىڭ قالىپتاسۋىنا ۇلەس قوسۋدا.

جاڭ شياۋ، ق ح ر- دىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى:

- قىتايدىڭ كوممۋنيستىك پارتياسى مەن «نۇر وتان» پارتياسى - ستراتەگيالىق سەرىكتەستەر. پارتياارالىق بايلانىستار مەملەكەتارالىق قاتىناستاردىڭ جەدەل دامۋىنا ىقپال ەتتى. ەكى تاراپ پارتيانىڭ ءوزىن ءوزى تازارتۋ جانە كادرلاردى دايارلاۋ بويىنشا تاجىريبە الماسادى. قىتايدىڭ باسقارۋشى پارتياسى «نۇر وتان» پارتياسىمەن كەدەيلىكتى جويۋ تاجىريبەسىمەن بولىسۋگە دايىن.

جۇمىسسىزدىقتى جەڭۋ ماقساتىندا قىتاي بيلىگى شالعاي ايماقتارعا مامان جىبەرىپ، اۋىل شارۋاشىلىعى، مال شارۋاشىلىعى، ورمان شارۋاشىلىعى تۋرالى زاماناۋي ءبىلىمدى ۇيرەتىپ، جەرگىلىكتى حالىقپەن قاتار جۇمىس ىستەگەن. بۇل تاجىريبە قازىر دە ماڭىزىن جويعان جوق، دەيدى ساراپشىلار.

www.24.kz

سوڭعى جاڭالىقتار