ءسابينا التىنبەكوۆا «الەمنىڭ ەڭ كەلبەتتى 100 ارۋى» قاتارىنا ەنۋى مۇمكىن

نۇر- سۇلتان. قازاقپارات - قازاقستاندىق ۆولەيبولشى ءسابينا التىنبەكوۆا «2021 - جىلدىڭ ەڭ كەلبەتتى 100 ارۋى» قاتارىنا ەنۋى مۇمكىن.

جەرلەسىمىز مارگو روببي، سكارلەت يوحانسسون جانە سەلەنا گومەس سىندى الەمدىك شوۋ بيزنەس وكىلدەرىمەن باسەكەلەس اتاندى. بۇل تۋرالى جىل سايىنعى رەيتينگتى جاسايتىن TC Candler سايتى جازدى.

«ءسابينا التىنبەكوۆانىڭ الەمنىڭ ەڭ كەلبەتتى 100 ارۋىنىڭ ءبىرى اتانۋى مۇمكىندىگى بار. قازاق قىزىنا قولداۋ كورسەتۋ ءۇشىن سۋرەتكە ءلۇپىل باسىپ، پىكىر قالدىرىڭىز» دەلىنگەن جازبادا.

ەسكە سالا كەتەيىك، 2017 -جىلى ەرلەر اراسىنداعى سۇلۋلىق سىنىندا ديماش قۇدايبەرگەن كوپشىلىكتىڭ ىقىلاسىنا بولەنگەن ەدى. ول 100 ورىننىڭ ىشىندە 76- ورىنعا جايعاسىپ، كينو الەمىنىڭ ەڭ سىمباتتى اكتەرى سانالاتىن دي كاپريو، برەت پيتتى باسىپ وزدى.

www.24.kz