ساۋدا مينيسترلىگى جىل سايىن ەكسپورتقا باعىتتالعان 100 كومپانيانى دايىنداماق
م ءا س ق مەديتسينا قىزمەتكەرلەرىنە 83 ميلليارد تەڭگە ۇستەمەاقى تولەدى شىمكەنتتە «حالىق قاتىساتىن بيۋدجەت» جوباسى باستالادى «وكىنىشكە قاراي ءبىزدىڭ ەلدە تۇراقتى ەكسپورتەرلاردىڭ سانى تىم از. جالپى كومپانيالاردىڭ 2 پايىزى عانا (445 سۋبەكت) شەتەلگە ءونىمىن شىعارۋدا. ايتسە دە وسى ەكسپورتەرلاردىڭ 81 پايىزىنىڭ شاعىن جانە ورتا بيزنەس وكىلى ەكەنى قۋانتادى. ولاردىڭ ۇلەسى جىل ساناپ ارتىپ كەلەدى»، - دەدى باقىت سۇلتانوۆ و ك ق- دا وتكەن باسپا ءسوز ءماسليحاتىندا.
قازاقستاندىق ەكسپورتەر- كومپانيالاردىڭ كوبى الماتى، نۇر- سۇلتان مەن شىمكەنت قالالارىندا شوعىرلانعان. پرەزيدەنت قىركۇيەك ايىنداعى جولداۋىندا جاڭا ەكسپورتتاۋشىلارعا قول كورسەتۋ قاجەتتىلىگىنە باسا نازار اۋدارعان ەدى. ول شيكىزاتتىق ەمەس وندىرۋشىلەر ءۇشىن ەكسپورتتى جەدەلدەتۋ باعدارلاماسىن ىسكە قوسۋدى تاپسىردى. سوندىقتان، باقىت سۇلتانوۆ قازاقستاننڭ حالىقارالىق سەرىكتەسى PricewaterhouseCoopers-پەن بىرگە تىڭ باعدارلاما ىسكە قوسىلعانىن ءمالىم ەتتى.
«بيىل ءبىز ماقساتتى نارىق رەتىندە قىتايدى تاڭدادىق. قاجەتتىلىكتەر تۇرعىسىنان بۇل ەڭ كۇردەلى، ءبىراق سونىمەن بىرگە مۇمكىندىكتەر تۇرعىسىنان وراسان زور نارىق. اكسەلەراتورعا قاتىسۋ ءۇشىن نيەت بىلدىرگەن 500 كومپانيانىڭ ىشىنەن قىتايعا ءونىمىن ەكسپورتتاۋعا باعىتتالعان 35 تاماق ونەركاسىبى كاسىپورنى تاڭدالدى. وسى جىلدىڭ قاراشا ايىنا دەيىن بۇل كومپانيالار بىلىكتىلىكتى ارتتىرۋ كۋرستارىنان ءوتىپ، قاجەتتى ەكسپورتتىق قۇزىرەتتىلىكتەرگە يە بولادى. اكسەلەراتورعا قاتىسۋشى كومپانيالار ءوز ونىمدەرىن شاڭحايداعى 3- حالىقارالىق يمپورتتىق تاۋارلار مەن قىزمەتتەر كورمەسىندە ۇسىنادى»، - دەيدى ول.
باقىت سۇلتانوۆ ەندىگى مىندەتى - 2025 -جىلعا دەيىن تۇراقتى ەكسپورتەر- كومپانيالاردىڭ سانىن 100-گە ارتتىرىپ، ولاردىڭ سانىن 1000-عا جەتكىزۋ كوزدەلىپ وتىرعانىن ايتتى.
اۆتور: ايان بەكەن ۇلى