قىتايدىڭ حالىق گازەتىنىڭ پرەزيدەنتى «قازاقپاراتتى» 100 جىلدىق مەرەيتويىمەن قۇتتىقتادى

None
None
نۇر- سۇلتان. قازاقپارات - حالىق گازەتىنىڭ پرەزيدەنتى لي باو شان «قازاقپارات» اگەنتتىگىنىڭ باسقارما ءتوراعاسى اسقار ۋماروۆقا اگەنتتىكتىڭ 100 جىلدىق مەرەيتويىنا وراي قۇتتىقتاۋ حات جولدادى.

«قازاقپارات» حالىقارالىق اقپاراتتىق اگەنتتىگى 100 جىلدىق مەرەيتويى قارساڭىندا حالىق گازەتىنىڭ شىنايى قۇتتىقتاۋىن قابىل الىڭىزدار! «قازاقپارات» اگەنتتىگى - قازاقستانداعى ۇلتتىق جاڭالىقتار اگەنتتىگى جانە ماڭىزدى حالىقارالىق اقپارات اگەنتتىگى. 1920 -جىلى قۇرىلعان ۋاقىتتان باستاپ وسى ۋاقىتقا دەيىن «قازاقپارات» ساياسات، ەكونوميكا، قوعام جانە سپورت سياقتى ءتۇرلى سالالاردا شىنايى، وبەكتيۆتى جانە بەدەلدى اقپاراتتى قازاقستان مەن الەمگە تاراتۋدا» ، دەلىنگەن لي باو شاننىڭ قۇتتىقتاۋىندا. ول حالىق گازەتى ءاردايىم «قازاقپارات» اگەنتتىگىمەن ىنتىماقتاستىققا ۇلكەن ءمان بەرەتىنىن اتاپ ءوتتى. «سوندىقتان «قازاقپارات» اگەنتتىگىن مەرەيتويمەن قۇتتىقتاۋ ءبىز ءۇشىن ماڭىزدى. « ءبىر بەلدەۋ - ءبىر جول» جاڭالىقتار ىنتىماقتاستىعى اليانسىنىڭ اياسىندا ءبىزدىڭ تاراپتار سوڭعى جىلدارى، اسىرەسە جاڭالىقتارمەن الماسۋ جانە كادرلار دايارلاۋ سالاسىندا كوپتەگەن جاقسى بايلانىس ورناتتى. ەكىجاقتى بىرلەسكەن كۇش- جىگەردىڭ ارقاسىندا ەكى حالىق اراسىنداعى ءوزارا تۇسىنىستىككە ىقپال ەتىپ، قىتاي مەن قازاقستان اراسىنداعى تۇراقتى ستراتەگيالىق سەرىكتەستىكتىڭ دامۋىنا ۇلەس قوسا الامىز دەپ ۇمىتتەنەمىز. بولاشاقتا ىنتىماقتاستىقتى نىعايتۋعا جانە دوستىقتى تەرەڭدەتۋگە ءۇمىت ارتامىز. «قازاقپارات» اگەنتتىگىن ءسىزدىڭ باسشىلىعىڭىزبەن جاقسى دامۋىن شىن جۇرەكتەن تىلەيمىن. سىزگە جانە بارلىق ارىپتەستەرىڭىزگە مىقتى دەنساۋلىق جانە باقىت تىلەيمىز!» ، - دەدى حالىق گازەتىنىڭ پرەزيدەنتى.


سوڭعى جاڭالىقتار