قاسىم-جومارت توقايەۆ «قازاقپارات» ۇجىمىن 100 جىلدىق مەرەيتويىمەن قۇتتىقتادى

None
None
نۇر-سۇلتان. قازاقپارات - قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «قازاقپارات» حالىقارالىق اقپارات اگەنتتىگىنىڭ ۇجىمىن 100 جىلدىق مەرەيتويىمەن قۇتتىقتادى.

قۇرمەتتى «قازاقپارات» اگەنتتىگىنىڭ ۇجىمى!

سىزدەردى «قازاقپارات» حالىقارالىق اقپارات اگەنتتىگىنىڭ 100 جىلدىق مەرەيتويىمەن شىن جۇرەكتەن قۇتتىقتايمىن! اعا بۋىنعا ەتەنە تانىس بولعان «قازتاگ» - تان باستاۋ الىپ، قازىرگى «قازاقپارات» اتالعانعا دەيىنگى كەزەڭدە اگەنتتىك ۇلكەن دامۋ جولىنان ءوتتى. تالاي تاريحي وقيعالاردى، اسىرەسە، تاۋەلسىزدىكتىڭ شەجىرەسىن تۇزۋدە ەرەكشە ەڭبەك ءسىڭىردى.

ەلباسىنىڭ بارلىق باستامالارىن، ەلىمىزدىڭ الەۋمەتتىك-ەكونوميكالىق، مادەني-رۋحاني دامۋى «قازاقپارات» تاسپاسىندا ۇنەمى كورىنىس تاۋىپ وتىردى.

سوندىقتان عاسىر جاساعان اگەنتتىكتىڭ مەملەكەتتىك ساياساتتى ناسيحاتتاۋ تۇرعىسىنان ەل دامۋىنا قوسقان ۇلەسى زور. شىنايى جاڭالىقتى جۇرتشىلىققا جەدەل جەتكىزەتىن «قازاقپارات» حالىقارالىق ارەنادا دا ەل ءيميدجىن قالىپتاستىرۋعا دا اتسالىسىپ كەلەدى.

قازاقستاننىڭ باستى اقپارات اگەنتتىگىندە قىزمەت ەتىپ جۇرگەن جۋرناليستەر قاشاندا جوعارى ماراپاتقا لايىق دەپ سانايمىن. ۇجىم قىزمەتكەرلەرى مەن اگەنتتىكتىڭ ارداگەرلەرىنە زور دەنساۋلىق، شىعارماشىلىق تابىس تىلەيمىن.

جاعىمدى جاڭالىق كوپ بولسىن!

ىزگى نيەتپەن،

قاسىم-جومارت توقايەۆ

سوڭعى جاڭالىقتار