+7 (701) 759 90 19
23 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اۋستراليا 100 جىلدا العاش رەت شتاتتار اراسىنداعى شەكارانى جاپتى

7 شىلدە 16:00
:ءبولىسۋ
اۋستراليا 100 جىلدا العاش رەت شتاتتار اراسىنداعى شەكارانى جاپتى

سيدنەي. قازاقپارات - اۋستراليانىڭ ەڭ تىعىز قونىستانعان ەكى شتاتى اراسىنداعى شەكارا مەلبۋرندە كوروناۆيرۋستىڭ ورشۋىنە بايلانىستى بۇگىننەن باستاپ بەلگىسىز مەرزىمگە جابىلادى، دەپ حابارلايدى قازاقپارات Reuters اگەنتتىگىنە سىلتەمە جاساپ.

ۆيكتوريا مەن جاڭا وڭتۇستىك ۋەلس اراسىنداعى شەكارا 100 جىلدا العاش رەت جابىلىپ وتىر. سوڭعى رەت ەكى شتاتتىڭ اراسىنداعى قوزعالىس يسپان تۇماۋىنىڭ پاندەمياسى كەزىندە 1919 -جىلى توقتاتىلعان ەدى. ۆيكتوريا شتاتىنىڭ استاناسى مەلبۋرندە COVID-19 جۇقتىرۋ وقيعالارىنىڭ سانى سوڭعى كۇندەرى كۇرت ارتتى. بۇل، بيلىككە الەۋمەتتىك قاشىقتىق بويىنشا قاتاڭ ۇيعارىمدار ەنگىزۋگە تۇرتكى بولدى. ۆيكتوريا شتاتىندا ءبىر تۇندە كوروناۆيرۋستىڭ 127 جاڭا جاعدايى تىركەلدى. بۇل - پاندەميا باستالعالى ءبىر كۇندە ەڭ كوپ تىركەلگەن كورسەتكىش. ەكى ادام قايتىس بولعانى حابارلاندى.

جەرگىلىكتى بيلىك بۇل ەكى اپتادان استام ۋاقىت ىشىندە ەلدە بولعان العاشقى ءولىم جاعدايلارى ەكەنىن ايتتى. جالپى اۋستراليادا كوروناۆيرۋستان 106 ادام كوز جۇمدى. جاڭا وڭتۇستىك ءۋەلستىڭ پرەمەر- ءمينيسترى گلەديس بەرەدجيكليان شەكارانىڭ قاشان اشىلاتىنى ءالى بەلگىسىز ەكەنىن، شەكارانى زاڭسىز كەسىپ ءوتۋ فاكتىلەرىنىڭ الدىن الۋ ءۇشىن اسكەري كۇشتەر كۇزەتەتىنىن ايتتى. ونىڭ مالىمەتىنشە، شەكارادان ءوتۋ ءۇشىن رۇقسات قاعازىن الۋ قاجەت. ايتا كەتەيىك، اۋستراليا كوروناۆيرۋس پاندەمياسىمەن كۇرەستە جاقسى ناتيجەگە قول جەتكىزگەن بولاتىن. ەلدە بارلىعى 8500 وقيعا تىركەلدى. الايدا، مەلبۋرندا ورشىگەن احۋال جاعىمدى ستاتيستيكانى بۇزدى.




#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات