الماتى وبلىسىندا 100 گە جۋىق اسكەري بلوكپوستاعى قىزمەتى ءۇشىن ماراپاتتالدى
توتەنشە جاعداي رەجيمىنىڭ اياقتالۋىنا بايلانىستى بلوكپوستى كۇشەيتۋ، ەلدى مەكەندەردى دەزينفەكتسيالاۋ جانە پاترۋلدەۋ ماقساتىندا كەزەكشىلىككە تارتىلعان قازاقستان رەسپۋبليكاسى قارۋلى كۇشتەرىنىڭ جەكە قۇرامى مەن اسكەري تەحنيكاسى تۇراقتى پۋنكتەرىنە ورالدى.
وسىعان وراي قاراساي اۋداندىق پوليتسيا باسقارماسىنىڭ باسشىلىعى مەن قىزمەتكەرلەرى الماتى ماڭىنداعى بلوكپوستا قىزمەت كورسەتكەن قارۋلى كۇشتەردىڭ جەكە قۇرامىنا ريزاشىلىعىن ءبىلدىردى.
«اسكەري قىزمەتشىلەر مىندەتىن ورىنداۋ كەزىندە ەرەن ەڭبەك اتقاردى. توتەنشە جاعداي رەجيمى ەل اۋماعىندا ەنگىزىلگەن ساتتەن باستاپ ءىرى مەگاپوليس - الماتى قالاسىمەن جاناساتىن بەكەتتەرگە 87 دەن استام اسكەري گارنيزون قىزمەتكەرى تارتىلدى. بۇگىندە 100 گە جۋىق اسكەري قىزمەتشى ءوڭىر باسشىلىعى مەن الماتى وبلىسى پوليتسيا دەپارتامەنتىنىڭ اتىنان ماراپاتتالدى. قارۋلى كۇشتەردىڭ جەكە قۇرامىنا شىن جۇرەكتەن العىس ايتا وتىرىپ، مەملەكەت قاۋىپسىزدىگىن، ەل ازاماتتارىنىڭ ءومىرى مەن دەنساۋلىعىن قامتاماسىز ەتۋ جانە ساقتاۋ ىسىندە تابىس تىلەيمىز»، - دەپ اتاپ ءوتتى الماتى وبلىسى قاراساي اۋداندىق پوليتسيا باسقارماسىنىڭ باستىعى، پوليتسيا پولكوۆنيگى اسحات دانيار.
ال پوليتسيا جانە مەديتسينا قىزمەتكەرلەرى الماتى ماڭىنداعى پوستتاعى قىزمەتىن ارمەن قاراي جالعاستىرىپ جاتىر.