ا ق ش-تا كوروناۆيرۋستان 100 مىڭنان استام ادام قايتىس بولۋى مۇمكىن

ۆاشينگتون. قازاقپارات - جەكسەنبى كۇنى ا ق ش ۇلتتىق اللەرگيالىق جانە جۇقپالى اۋرۋلار ينستيتۋتىنىڭ ديرەكتورى ەنتوني فاۋچي جاڭا كوروناۆيرۋستان 100 مىڭنان 200 مىڭ ادامعا دەيىن قۇربان بولۋى مۇمكىن ەكەنىن ءمالىم ەتتى.

ۆيرۋستان 2000 نان استام امەريكالىق قايتىس بولعان، دەپ حابارلايدى قازاقپارات CNN-گە سىلتەمە جاساپ. سونداي-اق، ول ميلليونداعان ادامنىڭ كوروناۆيرۋس جۇقتىرۋى مۇمكىن ەكەنىن اتاپ ءوتتى. ەكى كۇننىڭ ىشىندە قايتىس بولعاندار سانى ەكى ەسەگە ارتىپ، 2 مىڭ ادامعا جەتكەن. سەنبى كۇنى تاڭەرتەڭگى جاعداي بويىنشا، ا ق ش-تا 121 مىڭ ادام اۋرۋ جۇقتىرعان.

جەكسەنبى كۇنى پرەزيدەنت دونالد ترامپ باسپا ءسوز ءماسليحاتىندا ءمالىم ەتكەندەي، ا ق ش-تا كوروناۆيرۋستان قايتىس بولعاندار سانى 100 مىڭ-200 مىڭ ادامعا جەتسە، اكىمشىلىك «جاقسى جۇمىس ىستەدى» دەپ ايتۋعا بولادى.

اۋرۋ جۇقتىرعاندار سانىنىڭ كۇن ساناپ ارتىپ جاتقانىنا بايلانىستى اۋرۋحانالاردا ورىن تاپشى، اسىرەسە نيۋ-يوركتە - شتاتتا ەلدە اۋرۋ جۇقتىرعاندار ەڭ كوپ تىركەلگەن. ەلدەگى كوپتەگەن اۋرۋحانالاردا ەكى اپتادان كەيىن ورىن بولمايدى، سەبەبى اۋرۋ جۇقتىرعاندار سانى ءوسىپ جاتىر، دەپ مالىمدەدى ترامپ.

ۆيرۋستىڭ تارالۋىن توقتاتۋ ماساتىندا ءتۇرلى قالالار مەن شتاتتاردا، سونىڭ ىشىندە نيۋ-يوركتە بيلىك تۇرعىنداردىڭ ۇيدە قالۋىن مىندەتتەيتىن شەشىم شىعارعان. بۇل شەشىم 215 ميلليون امەريكالىققا قاتىستى بولىپ وتىر.

Johns Hopkins University مالىمەتىنشە، ا ق ش-تا جەكسەنبى كۇنگى دەرەك بويىنشا اۋرۋ جۇقتىرعاندار سانى 142 مىڭ ادامعا جەتتى. COVID-19 شالدىققاندار سانى الەمدە 722 مىڭ ادام، ودان 34 مىڭ ادام كوز جۇمدى.