داۋرەن ابايەۆ: قازاقپاراتتىڭ 100 جىلدىق مەرەيتويىن جوعارى دەڭگەيدە وتكىزۋ كەرەك

None
None
نۇر- سۇلتان. قازاقپارات - « ءۇمىت» بايقاۋىنىڭ جەڭىمپازدارى مەملەكەتتىك بۇقارالىق اقپارات قۇرالدارىنا جۇمىسقا الىنادى.

بۇل تۋرالى بۇگىن ق ر اقپارات جانە قوعامدىق دامۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«ەلباسى قاۋىپسىزدىك كەڭەسىنىڭ وتىرىسىندا راديو حابارلاردى دامىتۋعا ەرەكشە نازار اۋداردى. ۆيتسە- مينيستر ماۋبەرلينوۆا نۇرگۇل وسەرباي قىزىنا وسى جىلى راديو حابارلارىن تاراتۋدى دامىتۋدىڭ جول كارتاسىن جاساۋدى جانە بەكىتۋدى، سونىمەن قاتار، سيفرلىق راديونى ەنگىزۋدىڭ كونتسەپتۋالدىق تاسىلدەرىن انىقتاۋدى تاپسىرامىن. ەندىگى كەزەكتە، سالانىڭ نەگىزگى شارالارىنا توقتالسام. ءبىرىنشى، 2020 -جىلى سولتۇستىك قازاقستان جانە قاراعاندى وبلىستارىن سيفرلىق حابار تاراتۋعا كوشىرۋ قاجەت. ەكىنشى - جاس جۋرناليستەر مەن ستۋدەنتتەر اراسىندا « ءۇمىت» بايقاۋىن ۇيىمداستىرۋ. جەڭىمپازدار مەملەكەتتىك ب ا ق- تاردا جۇمىسقا الىنادى«، - دەدى ول.

مينيستر ۇشىنشىدەن، «ۇركەر» ، «تۇمار» پرەميالارىن جانە «Astana Media Week» مەديا- فورۋمىن ۇيىمداستىرۋ قاجەتتىگىن ايتتى.

«ءتورتىنشى، بىلتىر «ەگەمەن قازاقستان» گازەتى 100 جىلدىق مەرەيتويىن وتكىزدى. بيىل «كازاحستانسكايا پراۆدا» گازەتى مەن «قازاقپارات» حالىقارالىق اقپارات اگەنتتىگىنە 100 جىل تولادى. وسى مەرەيتويلاردى دا جوعارى دەڭگەيدە وتكىزۋ كەرەك. ءبىراق، ءبىر ەسكەرەتىن دۇنيە مەملەكەت باسشىسى ايتقانداي، مەرەيتويلاردا اعارتۋشىلىق باعىتتاعى شارالارعا باسىمدىق بەرۋ قاجەت. ماقسات توي ەمەس، تاعىلىم بولۋى ءتيىس. بەسىنشى - «قازمەديا ورتالىعىنىڭ» تەحنولوگيالىق يادروسىن جاڭعىرتۋ»، - دەدى داۋرەن ابايەۆ.

اۆتور: مارلان جيەمباي

سوڭعى جاڭالىقتار