+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

قار كوشكىنى 100 ادامنىڭ ءومىرىن قيىپ كەتتى

16 قاڭتار 16:16
:ءبولىسۋ
قار كوشكىنى 100 ادامنىڭ ءومىرىن قيىپ كەتتى

مۋزاففاراباد. قازاقپارات - سارسەنبى كۇنى پوليتسەيلەر مەن جەرگىلىكتى تۇرعىندار پاكىستانداعى نيلۋم الابىندا دۋدنەيل اۋىلىنىڭ ماڭىنان قار ءۇيىندىسى مەن قيراعان ۇيلەردىڭ استىنان قازا تاپقانداردىڭ ءمايىتىن ىزدەۋدى جالعاستىرىپ جاتىر، دەپ حابارلايدى قازاقپارات gulfnews.com سايتىنا سىلتەمە جاساپ.

ىزدەۋ توبى 14 ادامنىڭ دەنەسىن تاپتى. ولار كوشكىن سالدارىنان قالىڭ قار استىندا قالىپ قويعان. تابيعي اپات كاشمير اۋدانىندا بولعان. قۇتقارۋشىلاردىڭ جۇمىس ىستەۋىنە اۋا رايىنىڭ قولايسىزدىعى كەدەرگى كەلتىرۋدە.

تابيعي اپات قۇرباندارىنىڭ سانى كاشميردە 76 بولسا، جالپى ەلدە - 100 ادامعا جەتىپ وتىر، دەپ حابارلادى ۇلتتىق تابيعي اپات باسقارماسى.

نيلۋم الابى اۋدانى قاتتى زارداپ شەكتى. وكىنىشكە وراي، سينوپتيكتەردىڭ بولجامى جاقسى بولماي تۇر، وڭىردە تاياۋ كۇندەرى تاعى دا اۋا رايى ناشارلاۋى مۇمكىن.

سارسەنبى كۇنى پاكىستاننىڭ پرەمەر-ءمينيسترى يمران حان مۋزاففاراباد قالاسىندا جاتقان زارداپ شەگۋشىلەردىڭ جاعدايىن ءبىلىپ قايتتى.

بيلىك مەكتەپتەردى، ەلدىڭ سولتۇستىك بولىگىندە تاۋلى اۋداندارداعى بىرنەشە جولدى جاپتى.

ۇلتتىق تابيعي اپات باسقارماسىنىڭ ەسەبىنە سايكەس، نيلۋم الابىنا گۋمانيتارلىق كومەك تيەلگەن ءۇش تىكۇشاق ۇشىپ كەتتى.

ەل بيلىگى زارداپ شەككەن اۋدانداردىڭ تۇرعىندارىن قاۋىپسىز ايماققا كوشىرۋ تۋرالى شەشىم قابىلدادى.

بۇدان بۇرىن كاشميردە سىرعىما مەن كوشكىن سالدارىنان 62 ادامنىڭ مەرت بولعانىن حابارلاعان ەدىك.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات