قازاق راديوسىنىڭ 100 جىلدىعى قارساڭىندا بايقاۋ جاريالاندى
اتاپ ايتقاندا، عاسىرلىق تاريحى بار قازاق راديوسىن دارىپتەۋ ءارى تاقىرىپتى اشۋ، قولدانىستاعى (بەكىتىلگەن) لوگوتيپتى نەگىزگە الۋ، ءتۇسى مەن شريفتتەر بەكىتىلگەن لوگوتيپكە سايكەس كەلۋى، اۆتورلىق قۇقىقتارعا سايكەس بولۋى سەكىلدى تالاپتار قويىلىپ وتىر.
بايقاۋعا قاتىساتىندار اۆتورلىق جوباسىن JPEG فورماتتا قىسقاشا ماتىنمەن (تۇسىندىرمەلىك) [email protected] ەلەكتروندى پوشتاسىنا جولداۋى ءتيىس. بايقاۋعا 14.01.2020- 14.02.2020 -جىل ارالىعىندا جاريالانعان جۇمىستار قابىلدانادى.
«تۇسكەن ماتەريالدىڭ بارلىعى الەۋمەتتىك جەلىگە جاريالاۋ قۇقىنا كەلىسكەن دەپ ەسەپتەلەدى. ۇزدىك شىققان لوگوتيپ ۇلت ءۇنجارياسىنىڭ 100 جىلدىعىنا وراي ۇيىمداستىرىلاتىن بارلىق شارادا قولدانىلادى» ، - دەلىنگەن راديو مالىمەتىندە.
ايتا كەتەيىك، جەڭىمپازعا 100000 تەڭگە كولەمىندە سىياقى ۇسىنىلادى. جەڭىمپاز انىقتالعان سوڭ، لوگوتيپ CorelDRAW فورماتتا كورسەتىلگەن ەلەكتروندى پوشتاعا جىبەرىلۋى قاجەت. جەڭىمپاز 17 - اقپان كۇنى انىقتالادى.
نۇسقانى «قازپوشتا» ارقىلى جىبەرسەڭىزدەر، «نۇر- سۇلتان قالاسى، قونايەۆ كوشەسى 4, قازمەديا ورتالىعى، «قازاق راديولارى» ج ش س» مەكەن- جايىنا جولداۋعا بولادى.