+7 (701) 759 90 19
9 °С : نۇر-سۇلتان
22 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ەربولات بەدەلحان ءوزى قۇرعان توپتىڭ جىلدىق تابىسىن اشىپ ايتتى

9 جەلتوقسان 21:51
:ءبولىسۋ
ەربولات بەدەلحان ءوزى قۇرعان توپتىڭ جىلدىق تابىسىن اشىپ ايتتى

نۇر-سۇلتان. قازاقپارات - ەربولات بەدەلحان Ninety One توبىنىڭ شىعارماشىلىعى جايلى ونەر سۇيەر قاۋىمنىڭ كوكەيىندە جۇرگەن سۇراقتارعا جاۋاپ بەرىپ، قازاقتار نەلىكتەن كۇردەلى تاقىرىپتاعى اندەرگە دايىن ەمەس ەكەنىن ءتۇسىندىردى.

سونىمەن قاتار، ول Q-pop باعىتىنىڭ جارىق جۇلدىزدارى ءبىر جىل ىشىندە قانشا تابىس تاپقانىن جۋرناليست امان تاسىعانعا بەرگەن سۇحباتىندا اشىپ ايتتى، دەپ جازادى Stan.kz اقپارات اگەنتتىگى.

تانىمال پروديۋسەر توپ مۇشەلەرىنىڭ ەڭبەگىن جوعارى باعالايتىنىن جانە ولاردان دا سونى تالاپ ەتەتىنىن ەسكەردى. بەدەلحان Ninety One توبىنىڭ مۇشەسى جوباعا قاتىسۋ ءۇشىن 1 ميلليون تەڭگەدەن اسا اقشا سۇرادى دەگەن اقپاراتتى راستاپ، ءانشىنىڭ مۇنداي سومانى الۋعا ابدەن لايىق ەكەنىن اشىپ ايتتى. ايتسە دە، ارتىستەردىڭ ونەرى قانشاعا باعالاناتىنى JUZ Entertainment-پەن بەكىتىلگەنىن ءتۇسىندىردى. توپتىڭ بيىلعى تابىسى 100 ميلليون تەڭگەنى قۇراعانىن دا جاسىرمادى.

«توقسان ءبىردىڭ وسى جىلعى تابىسى 100 ميلليون تەڭگە. (...) ساپاعا مەن اقشانى ايامايمىن. «مەن ءوزىمنىڭ ەڭبەگىمدى ميلليون دوللارعا باعالايمىن»، - دەپ ايتىپ وتىرامىن. سول سياقتى ءار بالا ءوزىنىڭ ەڭبەگىن جوعارى باعالاۋى كەرەك»، - دەدى بەدەلحان.

Ninety One ءبىر جىلدىڭ ىشىندە مۇنداي اقشانى قالاي تابادى؟ - دەگەن سۇراققا پروديۋسەر: «Digital مونەتيزاتسيا، جارنامالىق كەلىسىمشارتتار، ەكسليۋزيۆتەردى ساتۋ. Ninety One قازىر ەڭ ۇلكەن، جوعارى باعادا تۇرادى. از بولساق تا، ءبىز وتە قىمبات تۇرامىز. ءبىراق ادامدار ساتىپ الادى»، - دەپ جاۋاپ بەردى.

ونەر يەسى توپ مۇشەلەرىنىڭ ءارقايسىسى قانشا الاتىنىن جاريالاماسا دا، تابىستارى سەگىز جىلدىق كەلىسىمشارتتا قاراستىرىلعانىن ايتتى. ولاردىڭ ەڭبەگىن تولەۋ ساتىندە ەكونوميكالىق قۇلدىراۋ ەسكەرىلەدى.

توپتىڭ جارىققا شىققان سوڭعى اندەرى تۋرالى ءوز ويىن ءبولىستى.

الەۋمەتتىك، ەكولوگيالىق تاقىرىپتاردى قوزعاعان «ءبارى بىلەدى» ءانى كوپشىلىكتى بۇگىنگى كۇنى مەن كەلەشەگى جايلى تولعاندىردى. ونەر يەلەرى «مەن ەمەس» ارقىلى قازاق قۇندىلىقتارىن دارىپتەسە، «كويلەك» انىمەن ارۋلاردىڭ كويلەكتى كيمەي كەتكەنىن نەگىزگە الىپ، قىز بالالارعا ۇندەۋ جاساعان.

بەدەلحان جىگىتتەرگە شىعارماشىلىق ەركىندىك بەرەتىنىن، ءوزى دۇرىس باعىت- باعداردى كورسەتەتىنىن تىلگە تيەك ەتتى. الايدا، توپ مۇشەلەرى شىعارعان تۋىندىلاردىڭ ەلۋ پايىزىن كوپشىلىك نازارىنا ۇسىنعىزبايتىنىن جاسىرمادى. مۇنىڭ سەبەبىن ول حالىقتىڭ Ninety One قوزعاعىسى كەلەتىن تاقىرىپتارعا دايىن ەمەستىگىمەن، مۋزىكادا ءجۇز پايىز ەركىندىكتىڭ جوقتىعىمەن بايلانىستىردى.

«زامانعا بايلانىستى اندەرى وتپەي قالادى. ءبىزدىڭ حالىققا بايلانىستى، ءبىز وندايعا دايىن ەمەسپىز. (...) مىسالى، ءبىزدىڭ جۇمىسىمىزدىڭ ءوزى كەيبىر ادامداردىڭ پىكىرىنە قايشى كەلىپ وتىرادى. ەگەر مۋزىكاعا ءجۇز پايىز ەركىندىك بەرسەك، شۋ كوتەرىلەدى دەگەندەي. سودان بالالاردى ۇستاپ تۇرامىز»، - دەدى ول.

سونىمەن قاتار، پروديۋسەر ءوز قاراماعىنداعى DNA توبىنىڭ شىعارماشىلىعىمەن تىعىز جۇمىس جاساپ جۇرگەنىن، جەتىستىكتەرىمەن، كەمشىلىكتەرىن باقىلاۋدا ۇستايتىنىن ەسكەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات